New Era Newspaper

New Era Epaper
Icon Collap
...
Home / Uuministeli wuuhaku wa tengeneke okutuntila 750 520 kehulilo lyaSepetemba

Uuministeli wuuhaku wa tengeneke okutuntila 750 520 kehulilo lyaSepetemba

2021-07-21  Victoria Kaapanda

Uuministeli wuuhaku wa tengeneke okutuntila 750 520 kehulilo lyaSepetemba
Top of a Page

Minista guuhaku nonkalonawa Kalumbi Shangula okwa ti, oosenda dhokutuntilwa otadhi indjipalekwa, okuyanda omikweyo omileeleka.

“Onda li nda nyanyukwa sho nda li nda mono omikweyo dhu udha aantu ya kalela oosenda ya hala otuntila, esiku kwa li nda talele po oosenda ine moWindhoek,” ta popi ngaaka.

Ta ti, kehulilo lyomwedhi gwaSepetemba oya hala okukala ya tuntilwa aantu ye li 750 520, onkene ota kumagidha oshigwana shi itule mo mokutuntilwa, okugwanitha po omwaalu ngoka.

“Iiwike ya piti oshilongo okwa li sha ponokelwa komukithi omupe, ihe ota tu pandula oshoka inagu taandela shinene, no tatu pandula oshigwana sho Sha kala shiitulamo mokwiigamena; “ tati ngaaka.

Shangula ta ti, mehuulilo shiwike okwa lopotwa omwaalu gwaantu ya kwatwa no ya si ko mukithi ngoka gwa shuna pevi, shoka tashi ulike kutya otuntila oshowo omalandulathano noompango dha tulwa po otadhi kwathele.

“Otwa ningi ethimbo ta tu lopota aantu ye vule 1000 taya katwa ko mukithi , ihe moowili 48 dha piti, aantu yeli 664 ashike ya kwatwa ko mukithi ngoka,” ta popi ngaaka.

Minista ta ti, iitopolwa yokonoooli oya lopotwa yina omwaalu tagu yi pombanda,omolwa omangudumano giitututhi ya yooloka. Shangula okwati, okwa li wo natango anyanyukwa  kaanilonga mendiki lyuuhaku mboka taya longo nomukumo oku kwashilipaleka kutya aantu ayehe oya tuntilwa.

“Oshigwana na shi tsikile oku katuntilwa, opo tu vule okusinda omukithi ngoka pamwe, noku laleka uumasika moshilongo shetu ngaashi iilongo yilwe ya sindi omukithi ngoka,” ta kumagidha.

Shangula ta ti, okwa lopotelwa omwaalu omwaanawa okuza iitopolwa aiyhe yoshilongo, gwaantu ya tuntilwa momasiku ngoka, sho omiti dha thiki moshilongo.

“Omwaalu gwaantu taya hulitha, ogundji ogwaa mboka inaaya tuntilwa, omanga aashona yo muyo ka pena uuyelele ngele oya tuntilwa nenge inaya tuntilwa,” ta po pi ngaaka.

Ta ti, ayihe mbyoka otayi hulipo uuna kehe gumwe atuntilwa, ano thikama nena.


2021-07-21  Victoria Kaapanda

Share on social media
Bottom of a page