New Era Newspaper

New Era Epaper
Icon Collap
...
Home / Uunona womimvo 5,7,8 wa kwatwa koonkondo komuniilonga gwomegumbo lyawo kwali

Uunona womimvo 5,7,8 wa kwatwa koonkondo komuniilonga gwomegumbo lyawo kwali

2020-09-17  Victoria Kaapanda

Uunona womimvo 5,7,8 wa kwatwa koonkondo komuniilonga gwomegumbo lyawo kwali
Top of a Page

Opolisi moshitoplwa shaMusati oya manga po omulumentu gwomimvo 32 sho a kwata koonkondo uunona  utatu wu li kohi yoomvula hetatu, momukunda Oshitoo  Etine lya zi ko.
Omukuluntu gwopolisi moshitopolwa moka Titus Shikongo okwa ti, oshiningwanima shoka osha holoka moshanga shomutenya omanga aakuluntu kaye mo megumbo.

‘Otaku hokololwa kutya omulumentu ngoka kwa li ha longo nale megumbo moka, okwa li e ya megumbo e ta ithana uunona kookamwe mondunda yimwe, ee te wu kwata koonkondo,” Shikongo ta ti ngaaka.
Oshingwanima shika okwa li sha lopotwa kuyinakulu yaanona.
Shika osha holoka omasiku omashona sho omunona gwomimvo 12 a li a kwatwa koonkondo kaamati y eli yaali komeho gayina nokamwayinakadhona komimvo hetatu mOvenduka molukanda lwaHavana. 

Sha ikwatelela kepeko lyopolisi, aalumentu mboka okwa li ya iteyele mombashu moka, ya li ya adha mo yi na yuunona gwomimvo 32, e taye mu kuthile ondjembo noku mu ningila omatilitho kutya otaye ya dhipaga  nokukwata omunona ngoka koonkondo.
“Oya matuka po nongodhi yopeke yongushu N$1 200 oshowo iimaliwa koomuma N$300,” Opolisi ya ti ngaaka.
Opolisi otayi indile kehe ngoka e shi mpoka pe na aalumentu mboka ya longo iilonga ya tya ngaaka ya lopotele opolisi yi li popepi nayo.
 


2020-09-17  Victoria Kaapanda

Tags: Khomas
Share on social media
Bottom of a page