New Era Newspaper

New Era Epaper
Icon Collap
...
Home / Vitamin Boy ota shongola molwoshimaliwa

Vitamin Boy ota shongola molwoshimaliwa

2019-08-09  Staff Reporter

Vitamin Boy ota shongola molwoshimaliwa

Victoria Kaapanda

ONGWEDIVA-Omumati gomugundjuka Martin Kashikola a tseyika nawa Vitamin Boy okwa ti omutumba ethete, nokashona hoka ta vulu okumona otaka vulu oku eta elunduluko monkalamwenyo ye.

Vitamin ota indile ekwatho moshigwana opo ngoka ta vulu oku mu yambidhidha nokashona opo a vule okutameka okuhika oongalo dhe, ye a landithe opo a mone omboloto ye nokukwathela ezimo lye.
Omuhiki gwoongalo dhokwaito, tadhi nyuwitha omakutsi nodhi na omatumwalaka taga tungu oshigwana okwa li a lombwele onzonkundaneki ndjika ta ti oku na oalbuma ndjoka a li a totopo omvula ya zi ko yedhina Success.

“Oalbuma yandje otayi shongola mongeshefa, oshoka kandi na omuyambidhidhi ongame ashike tandi kambadhala noongalo dhandje. Onda hala wo okumona omukuluntuwiliki ngoka ta kala ta  pukulula ndje  nota wilike ndje nkene ndi na oku longa.” Vitamin ta ti ngaaka.

Omuhikingalo omupeepeka nguka a hala okunukila mokapale koongalo okwa zile komukunda Ekumba, nokwa ikolelela ashike mongeshefa ye yoku shangitha uumbindja nuumbale wa shangwa edhina lye nohe wu landitha kondando ndjoka tayi vulika kukehe opo a mone oshimaliwa shoku mu yambidhidha okuhika oongalo.

Vitamin ta ti ota ka pandula kehe ngoka te ke mu yambidhidha, no ite ke ya ekelahi ngele e shi pondola. Ota monika komalungula nedhina Martin Kashikola, konomola  081 356 9188. 


2019-08-09  Staff Reporter

Tags: Oshana
Share on social media