New Era Newspaper

New Era Epaper
Icon Collap
...
Home / Wetemo wetemo…Oikunino younamapya tai ende nawa mOkongo

Wetemo wetemo…Oikunino younamapya tai ende nawa mOkongo

2022-05-24  Festus Hamalwa

Wetemo wetemo…Oikunino younamapya tai ende nawa mOkongo
Top of a Page

 Kansela woshikandjohoololo shaKongo Efraim Shipindo okwa ti oikunino younamapya otai ende nawa eshi oshiwana hashi likola mo shihapu moikunino yavo. 

S h i p i n d o o k w a t i oshikandjohoololo shaye osho shimweshinaoikuninoyounamapya ihapu tai kwafele oshiwana ngeenge tashi ya pokutaataya po ondjala. 

Okwa ti moikunino ohamu kunwa oikunomwa ya yooloka ngaashi omapungu, ounakaadesha, omatama, oikapa, eenyanganoshoyo oikumwa yomaludi mahapu. Pefimbo a ninga eenghundafana naKundana Omaandaxa kansela okwa hokolola ta ti okwa hafifwa unene kovakwashiwana womoshikandjohoololo shaKongo eshi ve na ohokwe yokulonga moikunino. 

Shipindo okwa ti mexuliloshivike okwa talela po oshikunino shi li pokapangelo pOlukula pefimbo eshi kwa li ovakalimo tava teya oikunomwa ei va kala ta longo moshikunino. 

Okwa ti moshikunino omo okwa li mwa tewa oiyiimati yomaludi a yooloka ya topolelwa ovanaudu ve li komapango a yooloka, ovanafikola novakulupe vomomudingonoko waLukula. 

Kansela okwa kunghilila oshiwana opo shi twikile nokukala shi na ohokwe nondjungu yokuninga oikunino ihapu shaashi eshi osho omukalo muwa mokukelela ondjala. 

“Ohatu lalakanene okulwifa ondjala noluhepo tashi pitile mounamapya onghee osha fimana opo oshiwana shi kale tashi longo nelitulemo moikunino yavo,” Shipondo ta ti. 

Okwa weda ta ti ombelewa yaye oya kala nokuxwaxwameka nokuyandja ouyelele kovanyasha opo va kale ve na eudeko la wana kombinga yefimano loinyangadalwa younamapya. 

“Ombelewa yange oya faneka opo i kale ninga oikunino mimukunda keshe di na omeva e li popepi opo ovanyasha ve li momaumbo va kale tava longo moikunino omo, onghee eshi ota shi yandje omhito kovanyasha opo va kale tave li monena oshimaliwa shavo shomondjato ngeenge tava landifa oikunomwa yavo,” Shipindo. 

Kansela okwa ti oshiwana nashi kale tashi kwatafana nombelewa yaye ngeenge sha pumbwa omakwafo kombinga yokutameke oikunino yavo. 

– fhamalwa@nepc.com.na 


2022-05-24  Festus Hamalwa

Share on social media
Bottom of a page