Omukiintu gumwe opamwe nomusamane gwe osho wo omonamati oya patululilwa oshipotha shedhipago lyomukeeleli gwomaliko konima sho a li e mu tindile mositola oshoka ka li a zala okamask. Calvin Munerlyn, 43, okwa li a yahwa momutse mEtitano positola yedhina Family Dollar Store moFlint, Michigan, shimwe shomiitopolwa ya-USA shoka sha dhengwa nayi komukithi nguka gwoCovid-19. Okwa li a ponokelwa konima sho a li a lombwele okamonakadhona komunamimvo 45 Sharmel Teague kutya itaka vulu okuya mositola oshoka inaka zala okamask ngaashi sha uthwa koveta. Yina yokakadhona, Larry Teague, 44, nokamonamati, Ramonyea Bishop, 23, oya li anuwa ya yi kositola konima yethimbo nokuponokela omutonateli gwomaliko.
Sharmel Teague okwa li a mangwa po, ashike aafekelwa yakwawo yaali inaya monika natango. Ayehe yatatu oya taalela edhipago lyoshiningilawina osho wo elongithonayi lyiilwitho.
Konima yoondjuma poositola, Omupanguli gwomoGenesse County, David Layton okwa li a lombwele iikundaneki mOmaandaha kutya Sharmel okwa li a ganda nokusila omutonateli gwomaliko omate manga inaa hinga ee ta yi. Okwa li a galuka konima yethimbo nokamwanamati ishewe. Anuwa okamwanamati oko ka li kku umbu ondjembo. Omupanguli okwa li a lokmbwele aatoolinkundana: “Eso lya Calvin Muneryln ewianyi notalki yemateke, naamboka ye shi ninga oye na oku wu toola mo ngaashi sha uthwa koveta.”
Ngoloneya gwaMichigan Gretchen Whitmer okwa li a lombwele aakalimo ayehe ya zale omamask uuna ye li meni lyomangeshefelo opo ku kondjithwe Covid-19. Oositola otadhi vulu okutinda okugandja omayakulo kukehe ngoka itaa iyutha kompango ndjika. Okuza mOmaamdhaha aantu mboka ya kwatwa moMichigan ogwa li paantu 43 950, mwa kwatelwa omaso ge li
4 135. -BBC