New Era Newspaper

Top Featured
Icon Collap
...
Home / Ya lala pOshivelo molwa okangendjo kuusiku

Ya lala pOshivelo molwa okangendjo kuusiku

2021-01-13  Victoria Kaapanda

Ya lala pOshivelo molwa okangendjo kuusiku

Iihauto ya thika pomulongo oya li ya kuthwa ko kopate yo yi tege one yongula pOshivelo, shika osha li sha ningwa uusiku wOsoondaha okupendukila  Omaandaha, sho ya thiki po omugoyi gwa dhenga.

Nonando iihauto yimwe oyi na oombapila dhoku enda uusiku okuza komahangano ga yooloka kakwa li ya pitikwa yi tsikile okuhinga.
Opolisi oya popi kutya, itayi pitike aantu ya pite, omanga elombwelo nomalandulathano ta li ti, kape na omuntu nenge ohauto tayi ende konima yo wili yomugoyi sigo one yongula.

“Nonando ope na mboka ye na oombapila dhokupita, itatu ya patulula  oshoka otwa tegelela kehe gumwe a kale e na ombapila yokupita, ihe omulandu gwokangendjo kuusiku tatu gu kanitha,” opolisi ya ti ngaaka. 
Ta yi ti, elalakano kali shi lyokufuka aantu ya ende uusiku ihe olyo ku keelela omukithi gu taandele moshigwana. Yamwe mboka ya li ya gandja omatompelo gawo nok ulika oombapila dhawo dhoku ya pititha, natango oya li ya adhika kaapolisi ye li miilonga mondjila, mboka ya tindi ya tsikile ondjila noku ya laleka moohauto dhawo. Nelson Jason, gumwe gwomwaamboka ya li mohauto ya li ya kankemekwa nokulalekwa po polisi yaMuthiya mohauto yawo okwa ti, ku uvite ko elongitho lyepitiko lyoombapila, ngele otadhi tindwa okulongithwa.

“Mohauto kamu na ehala lya gwana okulala aantu ayehe.Uusiku uule noonkondo omuntu okulala wa kuutumba. 
Tegandja oshiholelwa sha mboka ye li muubesa, hamo ngaa tamu zi ocorona moka?”Jason ta nyenyeta. Ta ti, shapo oombapila dhoka nadhi hulepo ashike. 

Aantu ohaya longo sigo uusiku yena netompelo kutya oyena oombapila dho kuya enditha uusiku. Ta gwedha po ta ti, aantu ohaya longo sha ikolela koowili, ngeno okwa li aantu inaaya pewa oombapila dhoka ngeno oyathika ku yele.
“Omaloli ngoka haga longo owiili 24 okututa ilandithomwa yoositola dha yooloka nago oge li ga thikamekwa, omanga omuntu e li miilonga. Atu indile eembapila dhoka dhiyelithilwe aapolisi ye li miilonga,”Jason  a popi ngaaka.


2021-01-13  Victoria Kaapanda

Share on social media