Victoria Kaapanda

Minista gwUunamapya , omeya netopolo lyevi Calle Schletwein okwa kumagidha aakalimo yomolukanda Onawa, mboka ya pewa oonzapo dhomahala ga wo Etitano lya z iko opo ye dhikwate nawa nokudhisila oshimpwiyu.

Aakalimo ye li 117 mboka ya li ya tembudhwa okuza kolukanda Eemwandi oya pewa oonzapo dhoka tadhi ulike uuthemba wuumwene womahala gawo omape, ya pewa kOnawa.

“Oonzapo dhoka odho tadhi kwalishilipaleke kutya ehala olyoye mwene no wu na uuthemba walyo. Onkene kehe gumwe okwa pumbwa okusila oshimpwiyu onzapo ndjoka opo kaayi kane nenge yi yonauke po,”Schletwein ta ti ngaaka.

Ta gwedha po ta ti, otashi ka kala oshidhigu una gumwe ayaka po onzapo ndjoka oshoka ota vulu okutya ongoye wemulanditha po ehala ndyoka, etamu kanitha omahala geni. Kaleni mwakotoka.

Schletwein okwa ti, shika osho oshiholelwa shimwe epangelo lya gwanithapo moma uvaneko lya li lya gandja omvo gwayi.
“Nonando otaku ti epangelo ita li longo sha, shika osho oshiholelwa oshiwanawa shoka tashi ulike iilonga oshowo  esiloshimpwiyu epangelo lyina noshigwana sha sho,”Minista a popi ngaaka.

Nonando aantu ye li 326 oya li ya tembudhwa, pethimbo ndika aakalimo ashike yeli 117 ya mono oonzapo dho mahala gawo, omanga mboka ya hupuko natango yeli metifa okupewa.

Oonzapo dhoka odha li dha gandjwa kaakalimo yOmugongo 40, Hage Geingob 28,Yakiliyana yahetatu oshowo Nalitungwe 41.
Omahala ngoka ogena omalusheno, Omeya oshowo oondjila dha andjunuka nawa, naayihe mbyoka, okwa li ye ningilwa oshali kelelo lyondoolopa yaShakati.

Nelago Thobias gumwe gwoomakalimo ya pewa omahala mOnawa okwa ti, payife ota vulu okwenda tiithele, ta ti kutya okuna ehala lye mwene e li pewa oshali.

“Otwa twembudhwa kolukanda kwa li kaakuna, omeya, olusheno oshowo uundjugo ihe payife otu li momahala ga yela gena kehe shimwe, nonena otwa kwalishipalekwa nuuthemba womahala getu,”Thobias ta popi ye ta ligolola.
Agwedhapo ta ti, ka kwa li eshi tsu ondjodhi ngele esiku limwe naka kala ena ehala ta ithana kutya olye mwene, ihe nena okuli na.