Muuna walilimo zemashumi amabeli kazeketalizoho natabilwe nikubulaiwa, kasamulaho aku akalezwa kikumulikana hae kuli nasweli kuca linja mwahae.
Kezo yeo nebile teñi Lasunda viki yefelile kanako yamanzibuana kwakantolo mwamunzi waOshikondailongo mwasikiliti saOmusati.
Nyandi nazibahalizwe kuba Kandele Shinendima Mbambi, yana simuluha mwanaha Angola, mi neli mubeleki wamwalapa.
Mapokola nebaize ndwa nekalile yakulubelwa hasupa Mbambi munwana kuli kiyena yana feza linja zabatu mwahae. Sebakashezwa kwande kibane bali fasintolo.
Kulumelwa kuli yanyazwa nasebelisize tipa yamufuta waOkapi kutaba Mbambi fasifuba kwanzoho, mi amuholofaza hahulu. Mbambi ukile azamaya mihato yemashumi aketalizo kuzwa fasintolo pili asikayo shwela kwamulaho wasintolo.
Yanyazwa kimutangana walilimo zemashumi amabeli kasilisiñwi, mi natamilwe lizazi leliswana, nalibelezwi kubonahala mwakhuta yenyinyani viki yefelile.