New Era Newspaper

New Era Epaper
Icon Collap
...
Home / Yane ya mangwa nomayego goompanda

Yane ya mangwa nomayego goompanda

2021-07-22  Victoria Kaapanda

Yane ya mangwa nomayego goompanda
Top of a Page

Aantu yeli 14 oya mangwa moshiwike shimwe sho ya adhika niilyo yiiyamakuti oshowo onyama kaashili pavete oshilongo ashihe.

Omupopiliko muuministeli womidhingoloko nomatalelepo Romeo Muyunda okwa ti, nonando iipotha yoludhi ndoka otayi ende yu uka pevi, ope na natango mboka yiininga omitse omikukutu.

Omaandaha gwoshiwike shika aalumentu yomimvo dhili pokati ko20-46 oya li ya adhika nomayego goompanda geli gane.

“Aalumentu mboka okwa li ya mangwa kopolisi sho okabesa yali ya londo ka hadhwa kopolisi, po boloka yo pa kathimbo,” ta ti ngaaka.

Ta ti, oshingwanima shoka osha holoka lwopotundi 15h00 yo mutenya momudhingoloko gwaKamanjab moshitopolwa shaKunene.

Ta ti, natango kaye na uuyelele kutya omayega ngoka ogena ongushu yiimaliwa ithike peni.

Muyunda ta ti, moshiwike sha zi ko aantu yeli 10 oya li ya mangwa sho yaadhika niilyo yiiyamakuti noku dhipaga noku yidhipaga kaashili pa veta.

“Aantu ya za kiitopolwa ya yooloka  oya mangwa nomayego goondjamba ge li gaheyali nonyama niipa yiiyamakuti ihamano ya yooloka,” ta popi ngaaka.

Ta gwedhapo ta ti, aantu mboka oya mangwa koRundu, Sangwali, Kahenge, Hockfeld, Katima mulilo oshowo Outjo.

Aafekelwa mboka oya mangwa kakeeleli yomahala ga giiyamakuti gamenwa, etanga lyopolisi etanga lyegameno, ongundu yoBlue Rhino oshowo opolisi yaZambia.

Muyamba ota kumagidha oshigwana shi hulithe po okwinikuthila ooveta momake gawo yene.

“Kehe omukwashigwana na kale omupolisi kuye mwene, opo alopote kehe ngoka taka longa iilonga yoludhi ndoka amagwe po, “ ta kumagidha.

Ta ti,  omimvo dha piti okwali haya kwata aantu oyendji taya longo iilonga ya tya ngaaka, ihe omumvo nguka iipotha yoku ningila iiyamakuti omiyonena otayi ende yuuka pevi, nonando inayi hulithwa po thiluthilu.

Ta popi ta ti, monakuyiwa okwa inekela kutya oshigwana otashi ka kala shina euveko lya gwana, nokwiikaleka ko kule niingwanima yatya ngaaka.

Yane ya mangwa nomiinga dhoompanda moshitopolwa shaKunene.


2021-07-22  Victoria Kaapanda

Share on social media
Bottom of a page