ONGWEDIVA – Omufaalelwa ngoka a tongololwa nedhina Bonifatius Hilifavali Shafa a za kokalongo moshitopolwa shaMusati okwa li a si konima sho mohauto ndjoka a li a londa muyo ya li ya kandoma pOshikuku mOlyomakaya. Ta koleke oshiponga shoka koshikundaneki shaNampa oWarrant Officer Anna Kunga gwopolisi yaNamibia moshitopola moka, ta ti omuhingi, omunamimvo 36 okwa li a hupu ashike okwa mona oshiponga. Opolisi oya patulula oshipotha shedhipago lyaa shi lyoshiningilawina.
Shi ikwatelela kuKunga, Shafa, 29, okwa li a mono oshiponga komutse nokwa si konima yethimbo moshipangelo shaKatoolika mOshikuku. Opolisi mOmusati oya li ya patululile oshipotha omunamimvo 36 a li a mbotso omweendi gwokolupadhi. Kunga ta ti nakweenda kolupadhi, Ndeutya Johannes, okwa li a mbotswa anuwa sho a li ta taaguluka ondjila Omakange-Iitanganga lwoputundi 20h00 popepi nomukunda Ondjeke, nokwa li a sile mpoka. Opolisi mOmusati tayi lopota wo eso lyomunamimvo 71 gwomomukunda Okaanga, ngoka anuwa a li a idhipaga nondjembo megumbo lye mOlyomakaya. Nakusa okwa li a tongololwa nedhina Alweendo Simeon, na ka li a thiga po okambaapila kasha.
Aapambele yoonakusa oya tseyithilwa nale iipomnga mbika.