New Era Newspaper

New Era Epaper
Icon Collap
...
Home / Yatatu ya sile moshiponga shohauto

Yatatu ya sile moshiponga shohauto

2024-05-29  Victoria Immanuel

Yatatu ya sile moshiponga shohauto

Aantu yatatu oya si eso lyi nyanyaleka sho ya pile mohauto moka ya li.

Sha ikolelela kepeko lyopolisi, oshigwananima sjika osha holoka mondjila onene pokati kOndobe nOshigambo Olyomakaya.

Otaku hokololwa kutya ohauto ndjoka oyi idhenge omutse nomutse nohauto onkwao e tayi tema omulilo.

Aantu mboka ya li mohauto ndjoka ya tema omulilo anuwa oya pi po thiluthilu, omanga mboka ya li mohauto onkwawo ya mono iiponga notaya mono uuhaku moshipangelo shOnandjwokwe kOndangwa.

Yaali yomoonakusa oya tongololwa kutya oyo Wapulile Matias Kauko naIifo Aktofel Indongo omanga omutitatu inaa tseyika natango.

 Aakwanezimo yoonakusa oya tseyithilwa.

Moshiningwanima shimwe inaashi faathana, okanona komumvo gumwe oka si sho ka mangwa mothingo kongodhi ndjoka ya li taya dhana nayo pamwe naanona ooyakwawo.

Epeko lyopolisi olya holoka kutya oshingwanima shoka osha holoka momukunda Onambudu Etitano lwopotundi 09h00.

Okanona hoka oko Amon Sackaria.

Okwa lopotwa kutya omanga ya li taya dhana uudhano wokunuka ongondhi ndjoka ya li taya dhana nayo oya dhingoloka mothingo yaSackaria e tayi mu pondo. Shoka osha eta eso.

Nonando omakonakono gopolisi otaga tsikile inayi yelitha kutya olye a tula ongodhi mothingo yaSakaria nenge pamwe oye mwene.

-vkaapanda@nepc.com.na


2024-05-29  Victoria Immanuel

Share on social media