New Era Newspaper

New Era Epaper
Icon Collap
...
Home / Ye li 678 ya si koCovid-19 moNamibia

Ye li 678 ya si koCovid-19 moNamibia

2021-05-14  Victoria Kaapanda

Ye li 678 ya si koCovid-19 moNamibia

Minista gwuundjolowele nonkalo nawa Kalumbi Shangula okwa ti, sigo ompaka aantu ye li 678 oya si ko mukithi gwoCovid-19, okuza esiku gwa ponokele moNamibia omvo gwa zi ko muMalitsa.“Otandi tsikile oku kumagidha oshigwana shi itule mo moku tuntilwa nomiti dhoku keelela omukithi ngoka. Shoka osho ashike tashi vulu oku kaleka po oomwenyo dhetu,” Shangula ta ti ngaaka.

Ta ti, omiti odha andjanekwa oshilongo ashihe po mahala guuhwaku, onkene kehe gumwe oku na uuthemba nokwa manguluka okutuntilwa.

Shangula okwa lopota wo aalongwa yeli 20 yaza koosikola dha yooloka oshilongo ashihe oshowo aanilonga mendiki lyuuministeli wuundjolowele ye li yahamano ya kwatwa koCovid-19.

“Nonando omwaalu gwaantu taya aluka oguli natango poopelesenta 95, aantu ya kolekwa ye na omukithi gwocorona oshilongo ashihe oye li 1 853, “Shangula ta ti ngaaka.

Ta popi ta ti, aantu ye vule 165 oye li miipangelo naantu ye li 41 yomu yo oye li kiifudhitho. Omwaalu ngoka ohagu ende tagu lunduluka esiku kehe oshoka kehe mesiku otamu kwatwa nenge ta mu aluka aantu oshowo taya hulitha,” ta ti ngaaka.

“Aantu ye li ya heyali oya si koondolopa Windhoek, Tsumeb, Walvis bay, Katima Mulilo noMariental,” ta ti ngaaka.

Minista natango okwa popi ta ti, okuza esiku lyotango omukithi ngoka gwa ponokele moNamibia, aantu ya konaakonwa, taya fekelwa omukithi gwoCovid-19 oye li 49 460 ayehe kumwe. Ta ti, aantu ye li 45 779 oya li ya ikalekelwa omanga ye li 44 353 ya li ya aluka.

Shangula okwa ti, ngaashingeyi aantu ye na omukinti gwocorona oye li 1 853 moNamibia.

“Otandi kumagidha oshigwana shi tsikile okugwanitha po noku longitha iikeelelitho, okushonopeka oshowo okukeelela omukithi gwoCovid-19,” ta kumagidha.

Shangula okwa ti, omukithi omo gu li mokati koshigwana, onkene oshigwana nashi simaneke okuzala uumasika momahala gwomangundumano oshowo okwiiyoga koonyala ethimbo alihe.


2021-05-14  Victoria Kaapanda

Share on social media