• December 8th, 2019

Hepatitis khorauisens awosase ansa !gôab ge 1 600 ai mâ


ONGWEDIVAS – Hepatitis di khoraǂuisens ge !kharu ge kurigu !nâ ǀgaisase ge ǂharo, ǂurusib mâisan ge 10 ǀHōǂgaeb nē kurib dis ai ǁîn di xoamâisa !gôaba 1 635 ai mâse a ǂan!gâse. Hepatitis Es khoraǂuisens ge 56 khoen ûiga ge ū tsîn ge 6 672 !nae!khaide ge !nurihe nē ǁōs ge Hôasoreb 2017 dis ai a ǂanhes khao!gâ. ǁNā 1 635 ǂanǂansa !nae!khaide xub ge Erongo ǀKhariba 460 !nae!khaide ūhâ. ǀKhomas ǀKharib tsî Omusati ǀKharib hâkha ge 351 tsî 169 !nae!khaidi ai ra ǀnōhe. Nausab ge ǀKhomas ǀKhariba hoagu xa a ǀgapi !gôab 4 179 !nurisa !nae!khaide ūhâ, Erongoba 1 525 !nae!khaidi ǀkha tsî Omusatiba 269 !nae!khaide ūhâse. Kunene ǀKharib tsî ǁKharas ǀkharikha ge hoagu xa ǂam ǂansa !gôab 16 tsî 11 !gôab dikha ūhâ. Nē !nurisa !gôaba xub ge 1 635 !nae!khaide laboratoriums !nâ !âihe tsî ǁawoǁawohe hâ, ǁnāpa di 4 236 !nae!khaide Hepatitis Esa ūhâ khoe-i ǀkha ra !gaeǁarehe !nae!khaidi ase īse. ǀAsa !gôakhâigu ge garu-ase ra dīhe Namibiab tsî Angolab hâkha ǁaegu ǂnûs hîa ǀhûǁarebese oresa nē ǁōs khoraǂuisensa ǁkhaesa ra ôabas, Ongwedivas tawa ge hâ is !nâ ge ǂanǂanhe. Wekheba ge gaxu i ǂnûs nēs ge sîsenǁareba nē ǀgam !hūkha ǁaegu ǀgaiǀgais mâtin Hepatitis E’s tsî nau hâ ǂhīguhe ra ǁōn khoraǂuisensa nî sîsenǂams xa gere !gû. ǂUrusib ǂnamipe hâ ǂhâbasa ǂansa mā!kharus Direkters, Philomena Ochurus ge ge mî, Hepatitis Es ge 56 khoen di ûiga ga ūsa, ǁîs di ǂherexas ǀHōgaeb 2017ǁî kurib disa xu. ǁAupexa 42 persentgu di !nae!khaidi ge a tarekhoe tsî !gau ra !gôaba aorekhoegu di. 

Hepatitis E
Nē ǂnûs ge ǁîs ǂâiǂhansensa gere gowaǂui Hepatitis A’s di khoraǂuisens Omusati ǀKharib !nâs xa, hîa nēsi 148 !nae!khaidi ai mâsa. Nau ǀkharigu hoagu, Kavangob di ǀgam ǀkharikha ǂoa hâse gu ge 67 !nae!khaide 2018ǁî kuriba xu a !nurisase ūhâ. Nē kurib di Gamaǀaeba xu ǂKhoesaob kōse di ge 2 242 Hepatitis !nae!khaide a !nurisa, ǁîde xub ǀKhomas ǀKhariba ǀgapi !gôab 467 !nae!khaidi diba ūhâ, Oshikotoba 362, Oshanaba 343, Omusatiba 329 tsî Kuneneba hoan xa a ǂam !gôab 13 ai mâse.   


Nuusita Ashipala
2019-11-26 08:35:36 | 12 days ago

Be the first to post a comment...

You might also like...