Omulumentu gwomimvo dhopokati, a tongololwa oye Efraim Elifas okwa li a adhika a sa momuthima gomeya.

Sha ikolelela komukuluntu gopolisi moshitopolwa shaShikoto Armas Shivute, oshiningwanima shoka osha holoka momukunda Omulonga. Opolisi oya ti omulumentu ngoka okwa li e na uunkundi wopamadhiladhilo. Otaku hokololwa kutya aakwanezimo okwa li ya tameke okukonga omulumentu ngoka Olyomakaya ihe okwa li ya hulile muunyengwi. Tayi ti, konima sho kwa li kwa ningwa olukongo, aakwanezimo okwa li ya itsu miikutu yi li kooha dhomuthima.

Olutu olwa li lwa kuthwa mo momeya Osoondaha potundi 12h00 yomutenya. Opolisi otayi kumagidha oshigwana shi kale tashi sile oshimpwiyu aantu ye na uunkundi wa yooloka oshowo aanona okuyanda omaupyakadhi ga tya ngaaka. 

– vkaapanda@nepc.com.na