New Era Newspaper

New Era Epaper
Icon Collap
...
Home / A dengwa neengonyo kookaume molwoipalufa

A dengwa neengonyo kookaume molwoipalufa

2022-08-16  Festus Hamalwa

A dengwa neengonyo kookaume molwoipalufa

OKAMATYONA keedula 18 oka dengwa neengonyo ndele ta tilwa omeva apyu eshi vati taku fekelwa kutya oka vaka oikulya meumbo lookaume kaye ndele te ke i landifa po puushiinda. Oshiningwanima eshi osha ningilwa modoolopa yaKhorixas Osoondaxa efimbo longula.

Omupedu Commissioner wopolifi moshitukulwa shaKunene Paavo Iiyambo okwa hokolola ta ti nakuninga oshihakanwa okwa li eu ya okutalela po ookaume kaye mexuliloshivike.

Vati ookaume kaye okwa li vaye koilonga nokonima eshi va aluka ova hanga oikulya ya li meumbo ya kufwa mo. Opolifi oya ti okudja opo ovafekelwa ova tameka okulafa oupuka kaume kavo neengonyo, noshikangule shipyu, neengodi dolusheno fiyo ta mono oshiponga.

Okudja opo ovafekelwa ova ka holeka nakuninga oshihakanwa monduda yavo yokunangala. Vati umwe womushiinda shavo okwa lopotela opolifi konima eshi auda meumbo olo ta mu kuu omunhu ta dengwa nokonima opolifi eshi ye uya oya hanga kamatyona e li mexungu lohonde noshipala sha dinda.

Nakuninga oshikanwa okwa twalwa koshipangelo opo a ka mone epango lopaunamiti ashike ota ku hokololwa kutya vati oku li monghalo itai nuwa omeva. Omufekelwa weedula 32 noshoyo weedula 26 ova kwatwa po efiku olo va longa oshimbuluma nota va holoka momhangu Etivali eshi tava pangulilwa oshibofa shonghendabala yedipawo.

Opolifi oya ti fiyo opapa ka pena ouyelele ngeenge okamatyona oye tu shi li ka kufa mo oikulya meumbo onghee omakonakono opolifi otaa twikile.

– fhmalwa@nepc.com.na


2022-08-16  Festus Hamalwa

Share on social media