Opolisi moMusati oya otayi konaakona oshipotha she dhengo linyanyalitha oshowo eshundilo sho omufekelwa a li a dhenge omukadhona (26) shinyanyalitha.
Oshiningwanima shika osha ningwa oshiwike sha zako.
Omukuluntu gwombelewa ndjoka hayi konaakona iipotha mOmusati deputy commissioner Moses Simaho okwati okwa hokololwa kutya omuningilwa okwali a dhengwa nepokolo oshowo nomankawa.
Simaho okwati omufekelwa okwali woo ashindula omukadhano nguka tati okuna ombuto yomukithi gwopashinena ndyoka ta lundililwa a li a taandeleke moshigwana.
“Omufekelwa okwa dhenge omuningilwa nepokolo oshowo nomankawa olutu aluhe e temulundile wo kutya okuna ombuto eyi taandeleka moshigwana,” Simaho tati ngaaka.
Simaho okwa kunkilile oshigwana kaashi ikuthile oveta.
Tati omuntu ngele a ningwa na lopote oshiningwanima kopolisi ye a mone ekwatho lyomondjila.