New Era Newspaper

New Era Epaper
Icon Collap
...
Home / A ekelehi ohanona opo ya valwa kombanda yiipeleki

A ekelehi ohanona opo ya valwa kombanda yiipeleki

2022-07-12  Victoria Kaapanda

A ekelehi ohanona opo ya valwa kombanda yiipeleki

Omukiintu gwomimvo 32 opamwe nohanona ye otaya mono uuhaku moshipangelo shaNandjokwe miikaha yopolisi sho anuwa a li a mono ohanona ye, noku yi ekelahi.

Sha ikolelela kepeko lyopolisi lyiiningwanima hayi holoka mehuliloshiwike oshiningwanima shoka okwa li sha holoka lwopotundi 11h00 momukunda Onayena  momundhingoloko gwOniipa.

Otaku hokololwa kutya omukiintu ngoka okwa li a mono ohanona okwe yi ekelehi kombanda yiipeleki  yegumbo lyaandjawo.

Opolisi oya ti, ohanona ndjoka okwa li ya adhika nomwenyo nokwa li ya falwa yi kamone uuhaku mbala, hoka yi li monkalo itaayi etitha oonkondo.

Opolisi yaNamibia aluhe otayi kunkilile oshigwana okupitila miikundaneki shi hulithe po oku ekelahi nokudhipaga oohanona, nuuna inaaya dhi hala ye dhi tule piitaasi yopolisi nenge miipangelo ngele ooyina kaye na ohole nadho.

Natango oshigwana osha kumagidhwa kutya kapena ngoka ta kala teshi pulapula nenge teshi manga uuna ya hala okuthiga po oohanona omolwa omatompelo ye gashi yene.

KOmbaye nako okwa kala egumbo lyaanona inaaya halika kaakuluntu yawo, mpoka a tula po okambamba mpoka pena okutulwa oohanona.

Omukiintu ngoka omumvo gwayi okwa popile kutya ohashi mu uvitha nayi uuna ta lesha miikundaneki aakintu ya ekelahi oohanona omanga agandja ehala lyawo.

Okwa li a indile kutya kehe gumwe okwa manguluka okumundhengela ongondhi, opo a ninge omalongekindho nkene ena okukuthako ohanona ndyoka.

Ohanona kayina nando ondjo ya sha, onkene otashi uvitha nayi uuna tayi ehamekwa ngaaka.

– vkaapanda@nepc.com.na


2022-07-12  Victoria Kaapanda

Share on social media