New Era Newspaper

New Era Epaper
Icon Collap
...
Home / Aanafalama kaye wete aalandi yiikwamboga yawo

Aanafalama kaye wete aalandi yiikwamboga yawo

2022-04-22  Victoria Immanuel

Aanafalama kaye wete aalandi yiikwamboga yawo

Omunafaalama gwiikwamboga gumwe ngoka a li a mono omukuli gwaAgribank ota longo nuudhiginini opo a lime iikulya ya gwana oku palutha  oshigwana oshowo aakwanezimo ye.

Omunafaalama nguka gwedhina Nangombe Talamondjila, gwomomudhingoloko Etaka moRuakana okwa tameka iilonga ye yuunafaalama oomvula hamano dha piti. Ta ti,  okwa li a mono omukuli gwaAgribank, noha longo oshikunino shomapungu, oomboga, oonyanga, omatama, osho wo iingumutulu oyindji mepya lyoohekita 50.

“Konima omuloka kwa li gwa loko nawa oshikunino shandje otashi monika nawa, sha ziza nawa” ta tanga  ngaaka. Ta popi ta ti okoopala koshikunino she, ohaku mupe omukumo okulonga opo a kute aantu, okuya palutha noku kandula po oluhepo lwawo. “Ngaashingeyi ondina aanilonga yeli yatano,” ta popi ngaaka. Talamondjila okwa ti uupyakadhi uunene mboka ya taalela ongaanafaalama owo kumona aalandi yiilongomwa yawo. “Ehalo lyokulonga otu li na, ihe omalandithilo kage po ga gwana. Ohatu kondjo nuudhigu. Omathimbo gamwe iilongomwa yetu ohatu yi ekelehi oshoka inayi mona aalandi,” ta ti ngaaka.

Ta indile ta ti, aakuluntu yiikondo tayi kondolola eliko lyoshilongo ya tale komaupyakadhi gaanafaalama yomoshilongo mboka taya kondjo nuudhigu oku eta iilandithomwa yawo moositola nomomalandithilo galwe.

“Aagundjuka mboka ya hala oku ya mo muunafaalama, oshiwanawa ngele omuntu to ningi tango omapekaapeko omanga inoo tameka niilonga. Muunafaalama mbuka omu na shili omboloto, ihe otashi pula omukumo neitulomo. Talamondjila ta gwedhapo kutya ohashi ya shololitha thimbo limwe uuna kayewete ookasitoma.

Ta popi kutya oshili oondjila kutya uunafaalama otawu kandulapo omukundu poompito dhimwe, unene tuu ngele owewu ende nawa petameko, ihe otashi pula ethimbo neidhidhimiko. 

Ta kumagidha oshigwana kutya, ngele owu na ehalo lyuunafaalama, ninga omapekaapeko ga gwana e to tameke iilonga nomukumo sigo wa gwanitha po oondjodhi dhoye.” “Otandi tsu kumwe nehangano epe lyoNaloba ndyoka ta li ti aakwilongo inaya landitha we shoka aaNamibia taya vulu oku etapo, ta ti ngaaka.

Ta ti, ngele Aanamibia oya kala taya longo yo yena noonyala dhawo itaya mono iihuna.

vkaapanda@nepc.com.na 


2022-04-22  Victoria Immanuel

Share on social media