• December 13th, 2018
Login / Register

Baeteleli bapili babata muuso kuluwa mubu


Mubihi wa Mutende

Windoko – Baeteleli banaha sapili Sam Nujoma ni Hifikepunye Pohamba nebakupile kuli mukopano wa muubu one ubile teñi mwamuleneñi viki yefelile ufumane tatululo yakuli mubu kaufela mwanaha uluiwe kimuuso. Pohamba kasibili naize “kibumai” kuli kwamukopano nekuilo kandekiwa zamubu wakuyola, ili taba yana ize mafelo ateñi akona kuba amaswe. Nasupile kuli litaba za miseto yamubu hala sicaba kizeñwi zekona kutisa kuli taba yakuyola mubu ibe yetata kuitatulula. “kibumai kuli taba ye, inzi mwalingambolo” nabulezi hana habulela kwasicaba kwamukopano. “Nikupa babali mwamukopano kuli taba ye baitalime ni minahano yekwaluhile, mi bafumane litatulo zende hala naha,” nabulezi.

“Ni eleza kuli mubu kaufela wanaha Namibia ni mezi ni limbule zefumaneha mwatasa mezi ni mwamubu libe mwakamaiso ya muuso,” nabulezi. Hana bulela kwamukopano oswana Mueteleli wanaha, wapili naize muhato wapili Namibia iswanezi kunga kikutalima sinca mutomopuso, kakubuza sicaba ili kuli mubu kaufela uluiwe kimuuso. Naize niyena ulumela kuli taba yakuyola mubu haiswaneli kukandekiwa. “Kakuba bayahi ba Namibia, nelulwanezi buino sakata ni miseto ya naha yaluna. Namibia kinaha yakamaiso yekopani mi muyahi wanaha kaufela ulumelezwi kuina kwalata kaufela sina haku ñozwi mwamutomopuso waluna,” nabulezi. “Mubu uswanela kuba wamuuso mi uzamaiswe kimuuso hala litokwahala zanaha yaluna,” na elelize.
 


New Era Reporter
2018-10-08 10:15:10 2 months ago

Be the first to post a comment...