• November 17th, 2019

Bafundoti batamiwa mwamuseco wazanaheni


WINDOKO – Lika zalifolofolo zamwanaheñi zemashumi amabeli kazepeli seliswelwi mwa kweli ye, liluko la silalanda nelikile lanitifaza viki yefelile. Museco usweli kuezwa kakopano hala sikwata sababatisisi baliluko nimapokola banaha Namibia. Lipiho zacwale libonisa kuli hala zeñwi zalika zalifolofolo zanaheñi zene swelwi, kuna nimanaka atou amane, tutwa iliñwi, manaka amabeli atolo, matalo asupile alitolo, hamoho cwalo ni linjili zene. Lipiho zeo zene ingilwe mwahala 14 ni 20 Yenda, neli ama hahulu likiliti za Zambezi, Kunene, Omaheke, Otjozondjupa ni Kavango ya Upa. Mi mizeko yelobapeli nekwaluzwi, mi batu balishumi kabasilezi nebatamilwe. Hala abane batamilwe ki Helga Mulongwe, ni Siseho Lutangu, ili bane batamilwe kasamulaho akuswaliwa ni nama yanali. Yomuñwi ki Mwananyambe Simasiku yana fumanezwi tobolo yakuzumisa.

Mwananyambe Simataa niyena natamilwe hala aku nokalimisa litobolo zakuzumisa mwasikiliti.
Isali mwa sa Zambezi Richard Kaunge, Danny Mwiya, Mayanwa Mabuku, Silwimbo Mwenda, Kavanje Kavanje ni Simasiku Nalishebo ili bana banaha Zambia, nebatamilwe kaufela kasamulaho akukulubelwa kuli nebazumile lingili zene. Muyahi yomuñwi wanaha Zambia Manyando Ndelwaniyena natamilwe  kasamulaho akuswaliwa ninama yañibi. Sikumba Hausiku ni Fredric David nebaswelwi nimanaka amane atou. Reagan Musweu, Chrissy Mukena Mukena, Mutungura Kaira ni Fred Mwabi, nebaswelwi nitobolo yakuzumisa ni malulo alishumi ka alobapeli mwa Grootfontein. Babañwi babanyazwa basilezi nebatamilwe, kasamulaho akuswaliwa nimatalo aliñake asilezi, ñake yene ipila, litalo la mboma, nitobolo yafa noka mwa Otjozondjupa. Babanyazwa bao ki Kaulikwa Tulina, Hango Theophelus, Jacob Kandume, Paavo Sitentu, Nambala Sakaria , ni Nangolo Asser.


Albertina Nakale
2019-10-28 07:35:17 | 20 days ago

Be the first to post a comment...