New Era Newspaper

New Era Epaper
Icon Collap
...
Home / Baketalizoho babulaiwa kilumonyi

Baketalizoho babulaiwa kilumonyi

2018-02-05  Staff Report 2

Baketalizoho babulaiwa kilumonyi
Aron Mushaukwa Katima Mulilo-Baketalizoho balubasi luliñwi nebabulailwe kilumonyi lwapula kwa munzi wa Mazongendaba ili yefumaneha kwa Chinchimani mwasilalanda sa Sibbinda, mwasikiliti sa Zambezi, Labutanu viki yefelile. Lubasi nelu lengilwe kipula hane bali mwandu pula hane isweli kunela, mi kaufela nebashwezi onafo. Kulumelwa kuli kasamulaho wakulengiwa kipula ndu neswalezi mulilo nikukala kutuka, nihane kubonahala kuli pula nesasweli kunela. Bamwahae hakuna sene bakona kueza mi nebatalimezi feela basina sepo ndu hane ituka lotee, lubasi inge lukwalezwi mwahali. Baketalizoho nebazibilwe kuba muuna wanaha Angola walilimo zemashumi amane kaze ketalizoho (45) Mateus Diveve, musala’hae Pelekelo Diveve walilimo ze 37, nibana babona babalalu, Kadoli Diveve walikweli zelobañwi, Maria Diveve walilimo zene, ni Tumone Diveve walilimo zeketalizoho. Diveve nimusala’hae nebasiile kwamulaho banababona babañwi baketalizoho babasakena sikolo, ili bao kaufela nebali kwasikolo nako yeo ndu haituka mulilo. Yomuhulu wasipokola mwasikiliti sa Zambezi Karel Theron napakile buniti bwakezahalo yeo kuba New Era, mi naize balubasi sebazibisizwe zamafu ao.
2018-02-05  Staff Report 2

Tags: Khomas
Share on social media