New Era Newspaper

New Era Epaper
Icon Collap
...
Home / Bashemi bapili balakalezwa makete amande

Bashemi bapili balakalezwa makete amande

2021-05-31  Albertina Nakale

Bashemi bapili balakalezwa makete amande

Baetapili mwanaha balumezi manzwi abona akulakaleza makete amande kumueteleli wanaha Hage Geingob ni musali wapili Monica Geingos, kasamulaho akuswalelwa kakokwani ka Covid-19 Labulalu manzibuana. Sibuabui mwaofesi yamueteleli wanaha Alfredo Hengari, naize bashemi bapili baikutwa hande mi baikungulezi kwatuko kwandu yabona. 

Hengari naize milao kaufela yezamaisa butuku bwa Covid-19 ise ilatelezwi, kubona kuli mueteleli wanaha ni musali wapili bafola kapili, hamoho cwalo nikusileleza bane babile bukaufi nibona.

“Mane balubasi ni bababeleka bukaufi ni mueteleli base batubilwe, mi ofesi ika keniswa. Mueteleli wanaha ni Musali wapili bamwa makete sakata mi baikutwa hande. Kuzwelela temuso haifiwa buñata babalakalalize makete amande. Mueteli wakopano ya PDM McHenry Venaani ili yana folile kwabutuku bwa Covid-19, kasamulaho akuswalelwa kakokwani mwakweli ya Sope, naize kutomohisa pilu kuutwa kuli bashemi bapili baswalezwi korona. 

“Nina nisepo yakuli lubasi lwapili lukafola kapili mi bakaba mwamakete sakata. Naha kaufela iswanela kuswalisana kulwanisa butuku bwa korona,” nabulezi.

Muyemeli watolopo ya Windoko Job Amupanda niyena nalakalalize mueteleli wanaha ni mufumahali wahae makete amande. “Kakuyemela bayahi batolopo ya Windoko nina kasibili, nimilakaleza tulo sakata mwakulwana nisila sesimaswe Covid-19. Mukakutela famusebezi cwanuñu,” nekubulezi Amupanda. Geingob naitumezi kubao kaufela bane bamulakalalize makete amande. “Niitumela kumina kaufela kwamanzi amande kasamulao akuswalelwa kakokwani ka Covid-19. Neni bata kubulela kumina kaufela kufitela munwana waka haukatala kuñola,” nekubulezi Geingob. 

Ñohola mubakweli wahae Nangolo Mbumba ni mufumahali wahae Susietjie nibona nebaswalezwi kakokwani ka Covid-19 mi base bafolile.


2021-05-31  Albertina Nakale

Share on social media