RUNDU – Mapokola mwasikiliti sa Kavango yaWiko Lamubulo nebatamile batu basilezi bane batisize mifilifili kwamunzi waKasivi, hane bataselize liezwa babakulubelwa kuli nebaitengile mwalitaba zabuloi. Babanyazwa hape baakalezwa kuli nebacize kantolo kayomuñwi yeba akaleza kuli kimuloi. Yomuñwi wabane batamile kiticele. Mapokola haba biziwa kwasibaka sakezahalelo, babatamilwe bakulubelwa kuli nebanepile limotikala zamapokola macwe kutisa sinyehelo.

“Nebatamilwe kwamunzi waKasivi, kulatelela siyongili sene siezahezi Lamubulo manzibuana. Hala bona kiticele yaluta kwasikolo sa Kasivi. Ticele yoo neli yena yana fitezi kwapili kuamana ni likakalezo zabuloi, bobu akalezwa kuli nebusweli kuezahala mwasilao,” kubaleha piho yasipokola. Batalimana ni milatu yakutisa sinyeho kwasibyana sa muuso (motikala), kucisa (kucisa kantolo) ni kusinya mutu libizo. Nebalibelezwi kubonahala mwakhuta yenyinyani ya Kahenge viki yefelile.