New Era Newspaper

New Era Epaper
Icon Collap
...
Home / Bayahi ba Windoko baelezwa hala kutala kwamilapo

Bayahi ba Windoko baelezwa hala kutala kwamilapo

2020-02-24  Staff Reporter

Bayahi ba Windoko baelezwa hala kutala kwamilapo

Mubihi wa Mutende

WINDOKO – Kasamulaho aviki yakunela kwapula, Sipokola sa Muleneñi sifile mamela kwasicaba kuambuka kusila milapo yetezi mezi. Sibuabui wa Sipokola sa Muleneñi Fabian Amukwelele, naelelize hape sicaba kuli basike batoma miyaho yesika lumelelwa, sihulu mwamilapo. 

“Muambuke kusila milapo yetezi mezi ikaba kamautu kapa kalimbayambaya. Sicaba sisike sa nyazeleza mayemo amezi, silibelele kufitela mezi akutela fafasi, kapa basebelise linzila zeñwi,” neku elelize Amukwelele. Windoko ni libaka zeli fubukai li amuhezi pula yende, mwazazi afelile. 

Mezi amañata abihilwe mwalibaka zeñwi zeñata zanaha, mokubile nipula yende. Amukwelele naize haiba mutu yomuñwi akwalela mwamezi, sicaba sisike kubeya bupilo bwasona mwakozi kakubata kutusa, kono balizeze babeleki mwamutayi obona zaputako kuto tusa mutu yacwalo. 

Kwabakwaezi Amukwelele naelelize hape kuli balukise hande limotikala zabona, kuli lisike zabakenya mwakozi habanze bakwaeza mwamikwakwa yekolobile. 
Naelelize hape bakwaezi kuli bano munyeha maboni amatuna alimotikala habakwaeza pula hainze inela.


2020-02-24  Staff Reporter

Tags: Khomas
Share on social media