• September 24th, 2018
Login / Register

Dingara ehundiro lyendi lyegusiropo kwafumu Mbambo kaliretere epiyagano


John Muyamba Mukwe-Sigongi kasikereko poMukwe, momapeu kagapwire omu kavapereko mauzere nkarapamwe kuhamena egendeso lyorudi rovaMbukuhu, omu mwakere asi awo kwakere negano asi fumu ndi asi Hompa vamutjide mosirugana sendi, Fumu Erwin Munika Mbambo kasi kahagerere mepiyagano. Sigongi simpe kasikere negano asi komitiye ezi zakereko megendeso lyomuhameni gwanare mombongarero zanavenye Elifas Dingara, vahepa kugava ndi asi kuhundira egusiropo kwaFumu Mbambo, nye ezonagwiso kalitamekere paapa mbunga zimwe nazo zoruha rovahompa kapi kaziyihaferere kayitwarederere dogoro valihomokere vene navene. Vamwe vawo kuna kuyimona asi Mbambo nare gagusa eyi yokupira kuvapurako nokuvatantera asi yinke yina kuhoroka unene morudi rovambukuhu, makura wombunga oz okapi kavayihaferere asi komitiye zigusepo egano lyazo lyokumutjida mouhompa. Vamwe vekoro lyendi kuna parapo asi gahepa kutundamo morwa kuna kuvaninkiliramo, omu apilire kuvapurako kweyi yokuhamena mpo zawo; makura aw okapi kavayihaferere nampili nakauke eyi komitiye kazigusire matokoro vahageke elikwamo lyokumutjida. Momazuva 17 January komitiye kwazitulisirepo, omu vatokwere asi Mbambo gahepa kuza, makura komitiye yipo nye zatokwere asi hawe elikwamo lyangesi lyahepa kuhaga. Yimo ngoso ana kutanta esimbi kurona ntani muntu ogu ana kara asi yige nye ana huguvara Mbambo, gedina Erwin Discho ogu kauyungire pepongo lyonkarapamwe. “ Awo kavatente asi komitiye vanazigusapo ntani hompa gahepa kuvagusirapo kwanayinye eyi varugana. Yiso nye sitambo sina tureta nayina apa, yipo tuyayilizuvhireko nyamwetu, pakana asi ngapi omu vana kuuyunga nokupura egusiropo komufumadekwa fumu gwetu. Nye konyima tupu zaDingara ntani vamwe vahamenimo wokomitiye ezi vazungururapo kavavazigidire komeho asi vakagave nye egusiropo nokutanta asi komitiye zina haga awo kavagwenekerere kumwe nomaraka gomadona. Vamwe kavapulire komitiye asi kuna vasininike vagave ehundiro lyegusiropo, nye Dingara navamwe kuna kulimburura tupu asi awo kuna kumona asi eyi kavarugene yidona ntani awo kapi vana kara hena negano asi vagusemo hompa. Epongo kalihege namo peke morwa mvhura kazirokere zonene. Dingara konyima tayatanta kosayitunga zaNew era asi kapi ana kumona hepero asi sigongi sangesi sikarepo, morwa awo nare vatjanga mbapira ezi vagava kwahompa ntani zaza nare kovanambudi vazihanesa nare. Ngesi kuna hundirenge nehundire egusiropo pakana, awo kapi vapura mweyi yokutjanga ame hambara niyirugane moomu vana hara nye mbunga kapi vana yihara oyo. Ame kapisi munasipundi hena gombunga ozo, nye kuna kumoneka asi nkarapamwe kapi zina hafa eyi komitiye zatokora asi zihageke sirugana sangesi. Ose kuna pwaga pwahana efumadeko.Epongo kavalitulisirepo vegendeso lyorudi, asi vambukuhu navenye vahepa kuyakarapo, nye sinzi sawo kuna kumoneka asi kapi vana hafa asi tuhageke egano eli lyokugusamo hompa. Ehundiro lyegusiropo kuna kara patjangwa, kapi nayimoneka nawa asi tuligusepo hena, yimo ngoso ana kuyahulisa munasipundi gwanare gokomitiye age hena muhameni gombunga zovarugani.
2018-02-08 09:50:39 7 months ago
Share on social media

Be the first to post a comment...