New Era Newspaper

New Era Epaper
Icon Collap
...
Home / Divundu kuna kukaturapo egano twaromo omu navarugana

Divundu kuna kukaturapo egano twaromo omu navarugana

2017-10-05  Staff Report 2

Divundu kuna kukaturapo egano twaromo omu navarugana
John Muyamba Rundu-Evango eli vanatura sinkwa ntani asi evango lyokutunga likare novakansela valyo, momukunda horoweo gwaMukwe moKavngo zoupumezuva ngesi kunalituramo asi vahepa kukara nonoprojeka edi naditwaredera vakatura evango eli asi doropa ntani kutulisapo egano eli naligendeesa malikwamo gawo. “ Ose nare twatulisapo egano lyoprojeka ezi momuvho 2016, omu tuna kukatura asi koutokero konyara noKilo,mbali moTrans Caprivi/Zambezi highway omu ngagakara mavango gokudika mambo gokusika 257, yimo ana kutanta Athanasius Maghumbo mukurona pamberewa noDivundu. Ngomulina kara asi evango eli vanasingonona sinkwa ntani, Divundu kapi lyakara nrgano twaromo moyirugana, yiyo nye yina kuninkisa asi vakansela ngesi vahepa nye kuturapo nongendeseso navatura moyirugana ure wonomvhura ntani yimo ana kutanta muna mberewa kurona ogu gatameka yirugana yendi mokwedi kwaSiwogedi 2016. Sirugana esi tasitameke katameko tupu lyehagero etwaromo yimaliva 2016/2017 mokukwama eyereko yimaliva. Mavango nye ogo tuna kutura asi gokutunga mambo twahepa kuturapo mema, ano yirugana yimwe ntani nye ngatuyiturapo apa ngatugwana yimaliva mosikando sauvali nsene asi eyereko lyetu ngaliwapa. Projeka ngesi kuna kara simpe momafaneko, nye ntambo zokuhova kuna kara asi kuvhura zikapwe mokwedi kwaPembagona mvhura zeezi , yimo ana kutanta Maghumbo. Mvhura ezi vakansela tavakatura mosirugana mavango nagenye gana kara muporongwa govarugani mokwedi kwaMurongankuru 2017 ano ngendeseso zokutura yirugana yopamberewa moomu yawapera hawe nare yapwa. Ntani ose natumanye yiruganeso nayinye mokwedi kwaNsinano 2017. Divundu evango lyakara nokilo 200, upumezuva waRundu konzira zaTrans Caprivi/Zambezi Highway kombindakano upumezuva komukuro gwaKavango upumezuva waKavango. Divundu ngesi kuna kara evango lyokutunga paveta novatungimo wokusika ko 5430 mokukwama evaruro lyakereko lyokuhulilira. Mahoroworo gomodoropa zaDivundu kwakere ngesi: Joseph Dinyando (swapo) munasipundi gokansela, Josephine Mughambayi (swapo) munasipundigona, naFulgensia Mukerenge (swapo) Christopher Kupembona (swapo) ntani Frans Mwamo(app) ogu ana kara asi silyo tupu sondango.
2017-10-05  Staff Report 2

Tags: Khomas
Share on social media