• April 7th, 2020

ECN ngesi tanko vana sigi EVMS pokaruwogona


Mbunga zomahoroworo (ECN) kazitente asi tanko ngesi vanasigi nomahina dokuhorowesa yipo nye varuganese yimbapira momahoroworo gokukwateramo gana kara moOpuwo Rural ntani moOtjiwarongo. 
Eyi kayikweme omu kavalizuvhire nonombunga politika. Ntani kuna kuyinkondopeka unene mpanguro zakahurako mosirongo, etokoro eli kavageve sinnkwa ntani asi mahoroworo nkenye naga kara ko komeho zo 21 March 2020, kutunda opo mahoroworo nkenye vahepa kuruganesa yimbapira vana kutundisa mehina. 

Mahoroworo aga gomoOtjiwarongo naOpuwo gokukwateramo kuna kukahoroka mo9 March 2020.  
Navenye ava kavakere mosigongi kavaligwasanene asi vahepa kuruganesa yimbapira mokukahorowora mahoroworo aga gokukwateramo kukwama omu zina kutanta veta zomahoroworo, yimo vana kutanta vaECN mukurona gwawo Theo Mujoro. 

Mujoro katente asi nombunga politika 13 yiwo kavakere pepongo lina, awo kuna kara All Peoples party, Christian Democratic voice, Landless Peoples Movement Neef, NDP, NPF, NUDO, PDM RDP, RP, SWANU, SWAPO ntani UPM. Mujoro katente asi ECN, kuna kutantera vaNamibia navenye asi awo simpe kuka kukagazara kukazigida sigongi sovahamenimo navenye omu navakatara asi ngapi ndi asi yinke navakaruganesa komohoroworo gana kuwizako. Kwedi kwapuko mbanguro zakahurako kazigwene epuko asi etoko eli vatura lyokupira kuryganesa yimbapira yokutunda mehina epuko ntani kapisi paveta vahepa etokoro lyangoso kulitulira ntere. 

Mahoroworo aga gokukwateramo momukunda Opuwo Rural kwagaretesapo morwa kansela gwanare Kazengere Tjeundo, ogu ana kuwiza ngesi kombongarero zanavenye momuzaro gwaPDM. Ntani evango kwamenekere mokwedi gwaDecember 2019, moOtjiwarongo mokukwama nomfa dakansela Julius Neumbo, ogu gadogorokere kehudi lyehauto. 

ECN, mokukwama veta zoRegional Councli Act, mokutura mohoroworo gokukwateramo, nsene asi kuna moneka evango monda zomazuva 90, mbunga politika zaSWAPO ntani PDMvelike vana kara asi awo kuna kurumbasana evango eli lyomoOpuwo rural momahoroworo aga gokukwateramo.  
-anakale@nepc.com.na


Albertina Nakale
2020-02-20 08:45:18 | 1 months ago

Be the first to post a comment...