Home / Ehagekeso kugenda noyirugana ngesi yina yagumu nosure Ehagekeso kugenda noyirugana ngesi yina yagumu nosure
Nuusita Ashipala Windhoek-Ministeragona goyimaliva Nathangwe Ithete kahundilire vakurona nosure vahageke kutulisapo marugendo gahana mulyo gana kara asi varongwa kapi vana kugwanenamo uwa. Apa kauyungire momukunda gwaOshana moutano, Ithete katente asi yimaliva eyi tuna kara nayo yoyisesu twahepa kuyitakamesa momunene yipo asi twahepa kuyiruganesa momuwa komalikwamo aga gana kara asi varongwa kuna kugwanenamo uwa. Nahepa kumuhundira namuvenye, unene vagendesi womukunda ntani vakurona sure, asi mwahepa kutulisapo elikwamo lina kwata moyitji omu muna kugendesa simaliva seni esi nomugwana kepangero yimo ana kutanta Ithete. Age katente asi nampili ngomu yina tugumu yoEkonomi, epangero kupitira mouministeli werongo ngorooro navatwikira kuvatera erongo omu navagwana eyereko lyosimaliva lyenene, yipo asi erongo lyetu liwape. Ithete kahundilire yitundwamo yomomuunda kuhamena erongo, nokuhafa asi nomvhura dakapita awo kuna rugana nawa.Age katente simpe asi kuna kuyimona eyi yovarongi vapira mambo, ayitwaredere varongi vagende sinano sosire kutunda oku vatunga dogoro kosure eyi ayaitwaredere vazumbanese siruwo simwe sokuliwapaykira vasikisemo sirugana sawo. Age simpe katumbwireko maudigu gamwe vana kumona varongi novarongwa, ngwendi nonkondwa rongero dokukurupa, eyi yina kara asi kapi yina wapere asi varongeremo ndi varongwa valirongeremo. Age simpe katente asi udigu umwe kupira mararo govarongwa ponosure dokuzeruka ngendi sekondere ngoso,yina kutwaredera varongwa valihamesere monomukaro dona dahana divilisa. Ame nina diva maudigu aga tuna kumona merongo lyetu, kapisi momukunda googu gwelike, nye kuna kara asi sirongo nasinye, nampili ngoso, one simpe kuna kurugana moomu mwavhulira nokugwana yitundwamo yina kuhafesa. Age kahundilire vakurona asi vahepa kulituramo merongo lyovana vawo, nokutanta asi nepu vapirapo hawe kapi tayiwapa oyo, nayininkisa noyitundwamo yipire kukawapa. Nokutanta asi mulyo gerongo kutamekera kembo. Nsene opulisira munoge apire kukufumadeka, ngomukondi, munona ogo kapi nakafumadeka nkenye mukondi ana kugwanekera nage rambangako mitili gwendi.
Your experience on this site will be improved by allowing cookies.
