WALVISBAY- Mukurona govaporosi momukunda gwaErongo Andreas Nelumbu nkera katente asi awo kuna kuza komeho nomu vana kuyimona asi ekonakono eli lyomudipagi Shannon Wasserfall mbunga zpomakona kono mokugwana mbatero mepiyagano momugazarerwa gonomvhura 22 ogu kagendere nanakufa.
Omu kageve mbudi ezi kosayitunga zaNew Era, omu muna hamene ekwato lya Azaan Madisia gonomvhura 28 omu vana kumugazarera asi mudipagi morwa kuzonagwina veta nomakonakono, Nelumbu katente asi vanzi navavhura kukwata morwa ehudi lyangesi.
Ose kuna kukambadara kutura nayinye eyi tuna gwana kumwe kapi yina kumoneka asi ngwendi moomu tupu asi muntu ana kuza kwamukwawo makura omu ture tupu pevango limwe eli sina horokere siompagwa.
Kuna pumbwa kugwana umbangi wakahurako ntani.
Udigu unene nye hawe ose kuna kurugana moomu twavhulira ntani kuna kumoneka asi elikwamo lyewa lina karamu yimo ana kutanta.
Kuna kumoneka asi Wasserfall kuvhura kavamudipagere ezuva lyoolyo katundire membo; nye, Nelumbu katente asu vaporosi kapi navavhura kutantako Yuma.
Ava vana hamene momakonakono kuna nawo kavatanterere New Era asi eyi kayihorokere kapi toyidiva morwa mugazarerwa kayarapotere simpagwa esi zaWasserfall konyima zomazuva gane ngagapitirepo opo kazumbanene nakufa ogu. a
Wasserfall kwazumbanene kutunda mo 10n April konyima tupu gakadropere munwendi gomumatigona poMadisia omu gakagwanekerere namukwawo zendi positora.
Makura yisupa yendi kavakayigwene pevango nalyo peke mouvali una puko konyima oguhwe vana kufa kavagwene mbudi asi vana gwana yisupa kevango lina lyokoWalvisBay mbudi ezi kazitundire komuntu gahana divilisa.
Vamwe nkera kuna kutanta asi vagazarerwa kavavagwene morwa mokukwama ehauto eli kagenderere nakufa.
Mugazarerwa ogu ana kara asi yige gasikamena munwa gwaShannon , kakamonekere kompanguro omu yina mutamba yedipago ntani kuzonagwisa veta moutano una puko kwaMagastrata moWalvisBay.
Age kapi kavakamupulisilire asi alifutiremo kukwama mupanguli Rhivermo Williams makura mpanguro zendi kavazirundwilire dogoro mo 7 Decembere nomakonakono gana kutwima.
Muhahende Maggy Shiyagaya-Lotto kapi kayitambwire asi kukare mfuto zokupwagamo muntu ogu.
Ntani koyo vana kumugazarera kuna kara udigu unene ntani kapi nayimoneka nawa movantu asi vamupe mfuto.
Nampili ngoso Madisia simpe kunakumupulisira aturemo ehundiro lyokumupa mfuto akare ponze.
Vekoro lyanakufa Wasserfall kavatente asi awo kuna kulizuvha hansako morwa vana gwanako mugazarerwa omu vana kuyimona awo asi simpe vanzi navavhura kukwata vahamenamo melikwamo lyedona eli.
- edeklerk@nepc.com.na