New Era Newspaper

New Era Epaper
Icon Collap
...
Home / Elelo lyaNgwediva lya patulula okapale koTennis

Elelo lyaNgwediva lya patulula okapale koTennis

2021-09-13  Nuusita Ashipala

Elelo lyaNgwediva lya patulula okapale koTennis

Elelo lyaNgwediva olya patulula pambelewa okapale ko Tennis hoka kali ta ka longwa okuza muMaalitsa nuumvo.

Okapale okali ka longwa koshimaliwa shithike lwopo N$600 000.

Mayola gwoodoolopa ya Ngwediva  Taarah Shalyefu pepatululo lyokapale okwati okapale okasimana mokuyambula po uudhano moodolopa oshowo okukaleka po uundjolowele.

Shalyefu okwati elelo olya hala okukala lyina aakalimo yiitulamo momaudhano opo yo ya kale woo ya dheuka.

“Shaashi uudhana nawo owa talikako wo ngaashi iilonga, otashi vulika natse woo tu kale tuna aadhani dhingi ya za modoolopa yetu,” Shalyefu tati ngaaka.

Kakele kokapale hono kali ka patululwa, elelo olyiipyakidhila nokweetapo okapale kamwe kombinga yomagumbo hono haku ithanwa oextenstion 17.

Okapale hano okathaanekwa taka kala haku dhanwa omaudhano gayooloka.

Otaku thaanekwa okapale haka koshinanena ta ka kanana omaudhano geye ga dhanenwe modoolopa.

Elelo olya talako wo kutya okapale haka ota kanana woo aanangeshefa yeye ya tunge modoolopa shono tashi pendula po oshipala niiyemo wo modoolopa.

Shalyefu okwa ti otengenekwathaneko yelelo yokuyambula po uudhano otayi ka adhika owala nglee aakalimo nayo wo yiitulamo.

“Otandi indile opo atuhe tuyiimo olunyala meyambulepo lyuudhano modoolopa oshoka elelo alike itali pondola po sha,” tati ngaaka.

Mayola okwati uudhano mbuka owa simana noonkondo, notiindile wu kale wa yambidhidhwapo.

Okapale okali ka longululwa sho kali ka dhidhilikwa keli monkalo tayeetitha ohenda.

Nonando kali ka tegelelelwa okukala kwa pa mu May, inashi pita omolowa omashongo ngaashi oCovid 19.

“Onda hala okupandula omutungi sho a li a longo nuudhiginini nokumana okapale haka methimbo efipu,” Shalyefu tati ngaaka.


2021-09-13  Nuusita Ashipala

Share on social media