Home / Elikwamo lyediworoko lyepangero kwanakufa Nghidinwa mungura Elikwamo lyediworoko lyepangero kwanakufa Nghidinwa mungura
Mbudi Zovarugani Windhoek-Elikwamo lyediworoko lina kutulisapo epangero kwanakufa Rosalia Annette Nghidinwa mungura ngali karako moutatu pevango vana kutumbura asi Parliament Garrden, age kwakere asi ministera gwanare gopalisigovhara nosinka sovanona kehemo aka hage kukara mepangero. Esi kazikere nye mbudi kazigeve ministeli zomapukururo nomagwanekero paudivi kupitira monosayitunga dokulisigasiga. Nghidinwa kadogorokere mosipangero songereka zaKatolika moVenduka mosondaha sivike sina puko. Elikwamo lyediworoko lyokuhova ngali karako moutatu povili zomurongo nambali ano lyauvali ediworoko ngalikarako moutano mosira sokulikidira ngesefa moNkurenkuru moKavango zoutokero. Ehoroko lyepangero ndi lina kupitisira epngero ngali karako poyandondo gaELCIN , momapeu ngurangura. Nghidinwa komeho zoyo gakere hena asi ministera govarugani nokali ntjewantjewa kutunda mo 2000 dogoro mo 2005, ntani gayakere hena ministera gweyi yomonda zosirongo novandinguli kutunda mo2005 dogoro mo2012. Age kwamutulire mosirugana asi ministera gokukarerapo marudi mvaro nosinka sovanona kutunda mo2012 dogoro mo2015 apa nye gayazire mehageko yirugana. Nghidinwa kwalirongera uhaku ntani silyo songereka zaELCIN, ogu gakere megendeso kutunda mo 1991 dogoro mo 1996. Age muhameni gombunga zaSWAPO kutunda mo 1974. Mosiruwo nye esi, nguuru gomukunda kavango zoutkero Sirkka Ausiku, katente asi Nghidinwa mpitisili ogu galituliremo mokukulika nkarapamwe. Apa nye gatundire mombongarero zanavenye, Rosalia Nghidinwa kwatulire eparu lyendi mokukulika vagolikadi omu gakere asi kwalihameserere monombunga ntani age kwakere munasipundi govanafarama womomukunda gwaMpungu, morwa nage gumwe gakere asi muna farama nayimwe ngoso yokukulika mukunda. Nghidinwa kwalihameserere movagolikadi ava gakulika momarupe gokulisiga siga. Age kwavapongayikire kupitira mombunga vana kutumbura asi Kampegere koranyara womens group, omu ngavarongo mokutunga yiranda noyikumba membo lyendi ntani mofarama zendi. Awo ngavakara pevango opo vanalipyakidire yirugana oyo, makura vagolikadi owo tava karandesa yininke yawo oyo kumwe nokugwana simaliva vayarereseko ekoro lyawo. Age simpe gavaterere vagolika vakalihamesere mo matjingiso nomarandeso gopauzuni, yiyo nye ngarugana oyo komeho akatusige. Kampegere koranyara vanazumbanesa mukadi gononkondo ogu gakere asi mugavi magano ngesi kunakuhameseramo nye vagolikadi navenye womonomuknda nadinye ntantatu domoKavango zoutokero. Awo kwazire kofarama zendi omu gakavavaterere. Mokulihamesera nye mouna farama age kwadeura nye ndi kugava mukumo kovanafarama valikara nawo maparambo, yimo ngoso ana kumutanga Ausiku – Nampa ntani John Muyamba nage kageveko mauyerere kesanseko eli.
Your experience on this site will be improved by allowing cookies.
