Windhoek - Hamutjanga goministeli zoukangungi nokukali nawa Ben Nangombe, nkera katente asi yimaliva oyo vana gwana yokugwedererako yokusika ko N175 yono miliyuna vana yerekere kominsteli zoukanguki noukali nawa zina gwana nobiliyuna dokusika ko N$6.5, meyereko lyosimaliva, simwe navakarugana kukavatura moyirugana yepangero. Yimaliwa ngesi kuna kara udigu, kapi tatuhuyunga asi yina gwaneke moomu tun yiharere(nomiliyuna N$175 ) kapi yina kara asi nkenye eyi ntudi yimaliva, yimo ngoso ana kutanta Nangombe. Ogu kahuyungire ponze zepongo eli kavakere nalyo varugani vaSADC wovakurona koruha rouhaku. Age katente asi kuna kara ko valirongi wokusika ko 240 vana kukatura mosirugana ava vasilirongera. Apa nye kalimbwilireko kuhamena udigu ou vana kumona moruha oru rouhaku, Nangombe katente asi Nangombe katente asi nsene sirongo saNamibia twahara kugwana uhaku wakahurako siwa unene asi tuture nongendeseso detu mosirugana ndi asi mouta wakora. Yiruganeso yetu yahepa kugava uwa wokuruganesa ukanguki nye kapi tatuvhuru kuyirugana oyo nsene asi matungo getu kapi gana wapa mokuruganenamo ukanguki. Yimo ngoso ana kutanta hamutjanga gokukarereramo moministeli zoukanguki noukali nawa. Uministeli woukangu, omu ana kugwedako, age katente asi ngesi kuna kuza nye vakatara udigu ou vakara nawo kuhamena matungo nye gokuruganena uhaku, ntani kuranda nye yiruganeso yina wapere yosiruwo esi,nomahina dokutawisa ntani nayimwe ngoso vana pumbwa. Nangombe simpe kayinkondopekere asi vahakuli ava vana pumbwa kuvatuma vakaruganene oku tuna vahepa unene. Dogoro ngesi elikwamo lina lyokuza monomukunda vahakuli hawe kwawapukurura egendeso ntani maudigu gamwe kwagagusapo kupitira melikwamo lyangesi. Vantu vetu kwagwana mbatero ava vazipumbwa posiruwo sooso. Ministeli simpe kuna hafa morwa kwagwana vahaku noyiruganesa yokutunda ponze zosirongo setu Namibia yimo ngoso ana kutanta Nangombe.
