Easy access at the tip of your fingers, subscribe to our daily ePaper version of our New Era Newspaper.
Home / Evango lyompo lyokupangwira poOniipa simpe kapi vana kuliruganesa
Evango lyompo lyokupangwira poOniipa simpe kapi vana kuliruganesa
2018-07-05Staff Report 2 Nuusita Ashipala Oniipa – Evango eli lyovandonga vapaturura poOniipa asi ngano vapangwiremo pampo ndi vagendesi wopampo simpe kapi lina kurugana nye awo kuna kutjanga tupu marapoto aga vana kureta komberewa vantu, kutunda tupu mokwedi kwaKudumonkuru dogoro ngesi kwato mpanguro zina horokeremo. Nye maunzoni vagatjangesa yimo ngoso ana kuyigwana muntu gwetu mukarelipo gosayitunga zaNew Era. Munamberewa ogu ana karapo ngesi Martha Alukolo, katente ngoso mosigongi esi kavakere naso pevango lyoolyo, asi awo simpe kuna kundindira Ministeli zoyipangura vavape ezo komeho mokuruganesa evango eli nomokupurakena maudigu nagenye vana kureta vatungimo. Apa ngesi ose kunakutjanga tupu nye yihorokwa nokundindira ministeli vatupe mokuza komeho, age simp kahundilire vatungimo varuganese mberewa ezi mokureta tirapotwa yawo. Epongo eli kavaliwapayikire ava vahagekesa kukara vakansela vagndeso lyovandonga. Vantu ava kwavatjida moyirugana morwa kumona asi hompa gwawo kapi ana kurugana ntani eyi vatwara mumbanda kompanguro zokuzruka. Hompa gwawo kuna kara Immanul Elifas Kauluma, ano mukolikadi gwendi Secilia lifas. Vantu ava vatjida awo kuna hara asi vagave etokoro lina kusilika mumbanda gahalihameseramo mweyi yegndoso yompo. Egano nye li lyokukatulisapo evango lyavene poOniipa kuna kara asi nawo vakare tavapangura ndi kutjangesa ava vana kara nononkango dawo morwa vatjidwa ava kapi vana kuvapulisira asi aze pevango eli zina karere mberewa zorudi nopo vana kupangwira. Kwedi tupu kakupwire ministera goyipangura Sakeus Shanghala kagusirepo etokoro lyendi eli gatulirepo asi mberewa ezi zopo Oniipa zirugane. Age katente asi mberewa ozo kuna kureta tupu vafute yimaliva yoyinzi siruwo oso epangero alyo kuna kara asi kuna kuliveda oyo vana kara nay okapi navakafuta hena mberewa zina. Ame kapi nina kuyipulisira morwa minsteli kapi zina kara noyimaliva yokukaruganesa pomberewa zokugwedako. Yimo ngoso ana kutanta Shanghala. Mokukwama ministeli nsene vakatwikira nevango olyo awo ngano tavakafuta yimaliwa yokusika ko N$2500 mokwedi mokuruganesa evango olyo, eyi woministeli zoyimaliva vana kumona asi kapi yina kara hepero mokuruganesa simaliwa sangoso kevango olyo ntani epangero kapi lina kara noyimaliva oyo. 2018-07-05Staff Report 2
