Home / Ezuva lyokudiworoka mapenda kalikere mooshakati vanzi kavakerepo Ezuva lyokudiworoka mapenda kalikere mooshakati vanzi kavakerepo
loide jason oshakati Ezuva lyokudiworoka mapenda gaNamibia kalikereko mo 26 August 2017, posira somaudano modoropa zaOshakati kasikere silika sinakara novantu wovanzi, nkenye evango nomona kuna karapo vantu mayovi ava kavatundire mosirongo nasinye saNamibia, ava kavayakere tavadana silika so 51 monomvhura kutunda tupu apa yahorokere nomu twagwana emanguruko, sihorokwa sangesi kwahorokerere mo 26 August 1966, pevango Omugulugombashe momukunda Omusati. Mbunga kazitamekere kusika pevango ponovili ngwendi 06h00 ngurangura. Silika kasikere hena tavasitura moyinyanyu vasiki vetu kavakere ngwendi Shikololo, Bullet Ya Kaoko, Ndilimani Cultural Troupe, Special Choreography ntani Longelomwene. Ava kavakerepo kavakere nye Presidente gwanare mutoti Sam Nujoma, ntani mukwami gwendi Hifikepunye Pohamba, Nkuruministera Saara Kuugongelwa-Amadhila nankuruministeragona Netumbo Nandi Ndaitwa ntani vamwe nye vahameni wombongarero zanavenye novakarelipo yirongo yawo moNamibia. Presidente gona Nickey Iyambo, Hamutjangantoni gombunga za SWAPO, Nangolo Mbumba, Mukurona goyipangura Peter Shivute, ntani muuyungi gombongarero zanavenye ntani nomunasipundi gondango zanavenye varwi vanare vakondjere enmanguruko, vakarelipo nomukunda nadinye 14 domosirongo nonompitisili dopampo nawo kavakere posilika sangesi. Kudimba rusumo rosirongo, ntani rwa AU kavayidimbire kuliza kumwe noyikutji kavaroyere yokusika ko 21. Silika kasikere somutaro kasikere vakwayita vana kulyatera omu kavakere asi vakwayita ndi asi NDF, ntani wokurwa nye vemenguru, ntani vavanye avatumbura asi wonavy. Eyi kayikwemeko nye nodira dina kutuka meguru, omu vana kugava mfumwa kwaPresidente. Yirwiso kayikere tavayilikida pevango lina yakara momawoko govakwayita vaNamibia. Nguuru gomukunda Oshana Clemens Kashhupulwa yige nye kakere tatambwiremo vagenda ano mukurona nye godoropa zaOshakati Angelius Iiyambo kageve nye mpandu, komeho vantu vaze nye vakagwene muzuhwa gwawo ogu kavavapere vamakere.
Your experience on this site will be improved by allowing cookies.
