Omupresidende Dr Hage Geingob okwa hokolola nakufya Dr. Peingondjabi Shipoh onga omukondjelimanguluko woshili, oo a longa noudinini pefimbo lekondjelo manguluko. Moshipopiwa shaye shomahekeleko osho sha leshwa kungoloneya waHangwena pefimbo lefudiko laShipoh komukunda Ondungulu moshitukulwa shaHangwena Osoondaxa, Geingob okwa ti Shipoh okwa kala ta yakula koikondo ya yooloka yepangelo oule weedula dihapu.

“Shipoh okwa fiya po efano liwa moilonga yaye aishe ei a longa pefimbo a kala ta longo onga omukaleliposhilongo koNigeria. Ta ti okwa kaleka po ekwatafano liwa noukumwe pokati kaNamibia naNigeria,” Geingob ta ti. Shipoh okwa xulifa momafiku 11 April meumbo laye kOutapi, nokwali a pewa efudiko lopapangelo komupresidende. Ovalilifya va yooloka ova hokolola Shipho onga omulumenhu kwa li e na ombili, yee oha ya kula ovanhu nondjungu kehe na okatongo.

Momudo 1974 muSeptemba, Shipoh okwa mona omadeulo aye otete kokamba yovakwaita yOshatotwa moZambia mokukala talongulula eendjebo. Pefimbo eli kombada Shipoh okwe li hongele eendjapo denghatu da yooloka, yee okwa kala yoo vali taya kula moikondo ya yooloka pefimbo a li kombada. Moshipopiwa shaye shomupresidende mukulu Hifikepunye Pohamba okwa ti Shipoh okwa kala e na oshihopaenenwa shiwa kovaNamibia eshi a longa moshili okweta po ombili nemanguluko kovaNambia aveshe.

“Otwa kala tuna ekwatafano liwa natate, okwe tu honga oinima ya yooloka. Tate ka kwa li e na okatongo shaashi okwa kala alushe a yakula ovanhu shifikepamwe,” Oshoveli Shipoh omonakadona waShipoh ta ti. Shipoh okwa fiya po omukulukadi waye nounona vaye vane.

– fhamalwa@nepc.com.na