Otja tji kuza kutja eyuva karitji otjekwao, otjo tjiri nambano otji tjarira onganda yo nyama ya Namibia indji o Meat Corporation of Namibia, ousupi o Meatco.

Omuhaamise wOvihavero wo Omaheke Regional Farmers Union, o u supi o ORFU, Lesley Kauandara, matja  ama hungirire ko ma heya nai nga ingana yarire oruveze orure kutja o Meatco kairi mo ngaro onÿikame kehi yo u zeu wo tjimariva. ™Ko tjiwa kutja ndino eyuva ko Meatco tji ra piti ma ri hiti poo ma ri piti rukwao,∫ Kauandara matja. No mwii hamwatima matja imbi mbi ya ngara ya pendura kunawo otjo vaÞuta vo mahi ya kangamwa, nai via sewa mo ru panda. Tjimuna okatomeno ka Pako oko nai ku ka patwa nu mo zo nÿera ovizoo ku ve zuva kutja ma ke randisiwa. Nandarire imbio vinamwinyo oyo mbiaa iranda ko zo mbanda nambano ka i tjiranda rukwao. Katjisupi ombura indji ya utire okuranda posia kena kutjiwa kutja omarandero inga ye no rure ndu Þapi o Meatco nambano aya rira kutja opwiiri ndinondi nu muhuka ka i tjipo rukwao.

Kauandara matja o Meatco ino' zondambo ozongoto  mo mahi wo ko zo mbanda, tjimuna oviunda vio uye wa ka ndinondi mbi ya tunga mo tu kondua peke peke. Posia mo tu kondwa twarwe tjimuna rwa Tjinene mu yari ama itungu oviunda owo nai va sewa metere. 

Tjitjiri meyo tji tja kendisa eraka ro vaÞuta okoo kutja o vingi o hunga no Meatco ve vi zuva mo zo nÿera ovizoozu uriri oyo oini ka i ya vaza kuwo. Matja mo u zeu wayo imbwi, wina o Meatco kaiya muna ondaveho ndjiriyo ko horomende, nandarire mo hepero yayo ko tjitamba tjo nyama na kehi arihe. 

Ingwi nai ngwa heruka motjito otjo Ministera yOzonganda Ohinmga Kohoromende, Johan Jooste, tjigetjo wa yandja erakiza enene ko horomende ohunga no u zeu wo tjimariva Meatco mwiiri nai. Posia ahanda kutja ohoromende mena ro hepero yo Meatco ko tjitamba tjo nyama, kaisere oku tarerwa ama itoora ondjira onganda yo zo ndera, Air Namibia, ndji ya toora, oyo nai ndja raisiwa kutja yeri havera ya mbangorota.