Home / Hosea Kutako Kapi Kana Kara Kapare Kanazere Hosea Kutako Kapi Kana Kara Kapare Kanazere
Nomberewa dokokapare kapi dazera,kuvhura ogwane mahorodeyine kuna kuzenzerera kwato oku novhura kulyatera,morwa evango nalinye lina zura yihando kwato oku nolyatera.Mokukwama yitundwamo vageve mokwedi kwaSitarara yombunga ezi vaturapo wombongarero zanavenye zomatarururo omu vana kuruganesa yimaliwa yiwo kava geve asi kapare kokutembera nodira kananyata ntani nonzugo nonunu nokuvhurasi kuturamo nomurongero dononzi. Awo simpe kava tente asi mahina ezi azi tara asi nomurongero dingapi ntani yinke ono simbi nare zateka mo2000,yipo nye asi nomurongero kuna kutunda modira tadi yukilire oku vana kuditwara.Vana mberewa kutara tupu nomeho makura tava tokora asi nomurongero edi vadi tarurure ano edi dokufana ngesi vahaditarurura.Ntani hena awo kutara asi muntu musinke nava vhura kutara asi nampo ana simbi yininke yoyidona. Konda ezi ava ruganene yirugana yokusefa muvero kapi ava gupata ago kuzeguruka pwagwene tagulizedire hena gwene.Kokapare kwato mbwa ezi ezi vatere mokukona-kona asi valingilingi vahalivakera mosirongo kutunda tupu apa zafa zina zakereko, ano owo woruha oro kapi vagazara asi vadewireko zimwe.Yitundwamo simpe kuna kutanta asi kokapare kwato mararo varugani kuvatuta masiku vayarare kodoropa. Awo yiyo kavageve egano asi ministeli zoyimal;iwa zahepa kuwapukurura mahina ozo zateka ntani nomahina donompe vahepa kuranda ko zompe ndi donompe kwankenye evango.Ntani ministeli zahepa kupapara oku nava randa mbwa ezi navapinganeseramo zirugane yirugana yokokapare.Awo simpe kava hundilire vagwedeko nonzugo dokupungura yiruganeso yokokapare yipo yikare pevango lyewa lyokukuhuka.
Your experience on this site will be improved by allowing cookies.
