Home / Kahuure Mavepirura Omazikiro wa Nguvauva Kahuure Mavepirura Omazikiro wa Nguvauva
"I Kae Matundu-Tjiparuro OTJOMUISE Otjiuru tjOvahona tjOvambanderu, Erastus Kahuure novakwao omurongo mavepirura omazikiro wa Peter Nguvauva otjo ""tjiuru tjopokati koruveze"" tjOuhonapare wOmbazu wOvambanderu. Kahuure novakwao ondando indji ndjahungamisiwa Ouhopare wOmbazu wOvambanderu otjomuzire omutenga nOmbara Munjuku II Nguvava otjomuzire outjavari, veitjivisire kotjOmbanguriro tjOkombandambanda tja Namibia. Omapiririro inga marire orupa rotjiposa tjomayarurakisiro wotjiposa tjOvambanderu ohunga noveta tjimatjiutu motjombanguriro ihi ndinondi. Otjorupa rotjiposa ihi Ouhonapare wOmbazu wOmbanderu watjiukisire otjombanguriro ihi kutja mauningire kutja Peter Nguvauva ayarukire po Ombara moruveze motjiposa ihi otjomuzire outjavari. Otja kotutuu tuomaraisire inga tutuayandjerwe kotjombanguriro, Nguvauva wazikwa otjo ""tjiuru tjopokati koruveze"" tjiyari 27 ku Rozondu ombura indji katjisupi kombunda yondiro yOmbara Munjuku II omayuva tjiyari 16 ku Rozondu ombura indji. Mondjivisiro yomapiririro inga kotjombanguriro Kahuure novakwao, muvyarwe peke peke, mavepatasanisa kutja Peter Nguvauava wazikwa iyOuhonapare wOmbazu wOmbanderu otjo ""tjiuru tjopokati koruveze"". Ngunda aperi nao motutuu tu tuajandjerwe kotjiuru tjOtjombanguriro tjOkombanda meta rOmbara muna orutuu nduatjangwa kotjiuru ihi ndumaruraisa kutja o Supreme Council pombongarero yayo ndjiyari nayo omayuva tjiyari yetatu ku Tengarindi, yatia kutja omwatje omuzandu womuyaruke Ombara Munjuku II, Kilus Karaerua Nguvauva, makambure otjihavero tjOmbara nai tjimanga nokuhina okuwomba. Otja korutuu indui ondiero indji yatoorwa ounepo wo Supreme Council imbwi auripo: G. Katjirua, P. Siririka, M. Katjiteo, R. Murangi, A. Tjozongoro and L. Karumendu. Ombongarero indji makuzu yahaamena mo Post 18. Posyo omuhingirirepo wOuhonapre wOmbazu wOmbanderu, Uazenga Ngahahe-Tjiposa, matja kena ondjiviro nombongarero indjo naweza ko kutja ombongarero oseinina yo Supreme Council ndjimatjiwa yari omayuva tjiyari 27 ku Rozondu. Watja ngunda Ovambanderu veundja kotjiwana tja Nguvauva okuveurukira omuyaruke wo mo tjihavero tjomuyaruke Ombara Munjuku II. Watja ondjivisiro ndjasana ingo kutja o Supreme Council yatia nao kaina owatjiri nu tjiiripo oyovandu oveni mbena otjineya tjivenatjo tjimavetjitjiwa oveni. Kilus Nguvauva oo muhane weta romuyaruke ihe ndina ondengu ape yo N$714,500. "
Your experience on this site will be improved by allowing cookies.
