New Era Newspaper

New Era Epaper
Icon Collap
...
Home / Kansela gwaNcamagoro kadogorokere

Kansela gwaNcamagoro kadogorokere

2021-09-23  John Muyamba

Kansela gwaNcamagoro kadogorokere

Rundu - Silyo sondango zanavenye ntani kansela gomukunda horowero gwaNcamagoro Johannes Kahonzo Sikondo kadogorokere. Silyo sondango zanavenye kadogorokere mosipangero moVenduka mosondaha nonomvhura 62. 

Sikondo kwamukondera mosipangero siruwo nye sina pitipo opo gakere nosimbumburu soCovid-19. 

Age kwamudumbwire mosipangero konyima tavayamukondere hena. Sikondo kwakere kansela gomukunda gwaNcamagoro kutunda mo 2015 dogoro nayina. 

Ndango zovakansela momukunda Kavango zoutokero kavadivisire nomfa edi nkera ngurangura. 

konyima tupu zokumona udigu koCovid-19 , age kwakara nye tazimo tapwagamo mosipangero morwa ehuli lyazonauka. 

Ngombunga politika, ose kuna kara momalira nkali ndi asi momaruhodi; tuna zumbanesa gumwe gwetu mudameki kapi ahuyunga yiporoporo,’’ yimo ana kutanta mugwanekedesi gombunga zaSWAPO momukunda Kavango zoutokero David Hipulwa Hamutenya.

‘’Ose kuna kuhundira vantu vetu asi gutundame, tukwateni nomutjima; ose tuna zumbanesa mugara gakara noyihuyungwa yoyiwa,gakara nomagano gomanzi nomalikwamo ngoso eyi gahere asi ngano ayirugane momukunda horowero gwendi. 

Ame ehuguvaro lyange kuna kara asi owo ana sigi momberewa navatwikira opo ana hagere.’’ Age kwamuhampuruka mo 23 June 1952, Sikondo kwakere murongi ndi mitili nomvhura 20, age hena kwakere asi mukurona sure gosure zaNcamagoro zelipakerero komeho aka ze mepwizumuko lyongenderera ntani akaze nye mongesefa nounapolitika. Sikondo kwamuganesere asi silyo sondango zanavenye, mokukwama nye  nomfa daRosa Kavara mo 2018.

Sikondo ngesi kuna kara nye gwauvali mondango zanavenye ana kudogoroka, konyima tupiu kansela gwa Katyima Mulilo Urban John Mukayagadogoroka kehudi lyehauto mokwedi kwaKudumonkuru.


2021-09-23  John Muyamba

Share on social media