Easy access at the tip of your fingers, subscribe to our daily ePaper version of our New Era Newspaper.
Home / Katengo kaka yemela babeleki katateka mungendenge wa naha kaufela wa kulwanisa Shoprite
Katengo kaka yemela babeleki katateka mungendenge wa naha kaufela wa kulwanisa Shoprite
2017-09-25Staff Report 2 Alvine Kapitako Windhoek-Katengo ka Namibian Commercial Catering, Food and Allied Workers’ Union (NACCAFWU) ni babeleki ba Shoprite Checkers base batatekile mungendenge osusueza baleki kuli basike bano leka mwa lintolo za Shoprite kapa Checkers mwa naha kaufela. “Mungendenge ubata kususueza sicaba kuli siutwele pilu butuku babeleki ba basebeza mwa sikwata sa lintolo za Shoprite, kakuli lituwelo zabona kize nyinyani,” mubakweli kumuñoli wa NACCAFWU Joseph //Garoeb nabulelezi ba New Era Lamubulo. “Habakoni nihaike kuleka lico kwa babelekisi babona,” kwa bulela //Garoeb. Naize katengo kaka “eza kaufela mokakonela” kutukufaza kampani kuli ilife babeleki mali acimbukile hamoho cwalo niku wisa muzeko one ba kwalulezi ba ne baitengile mwa kucaula kone kusika lumelelwa mwa silimo sa 2015. Babeleki ba Shoprite nebaitengile mwa kucaula mwa silimo sa 2014 ni 2015 kubata masheleñi acimbukile. //Garoeb uize 80 pesenti ya babeleki ba Shoprite “bainelezi-swalelele” mi ki 20 pensenti feela ba ba inelezi famusebezi. Babeleki ba ba inelezi-swalelele habana sepiso yakusa luza musebezi mi balifiwa N$ 240 ka viki. “Taba ye itoloka kuli bafumana N$ 960 hababuluka mali ao kufitela kweli haifela,” atalusa. //Garoeb ubulela kuli babeleki ba bañwi bafumana feela N$ 1,200 kakweli, mi kampani nenyazizwe ki ba liluko lelibona zaliswanelo za batu kakusalatelela mulao. Uize lintolo ze 80 mwa naha kaufela kungelela ni Hungry Lion, U-Save, Checkers ni House & Home. Ba ba beleka mwa teñi ki ba ba bañwi ba ba lifiwa lituwelo zekutezi hahulu fafasi mwa naha ku ba ba beleka mwa lintolo. “Hakuna ze balifiwa,” kwa ekeza //Garoeb. Kuekeza fateñi habafumani liswanelo zeñwi zeswana sina za mandu ni linzila. Uize taba ya kuinelela-swalelele famusebezi haiyo mwa mulao wa naha Namibia, kutoloka kuli “haiba usebeza mwa Shoprite usebeleza feela kulifa taxi.” Mungendenge nokalile Labutanu la 15 Muimunene kakucaula fasintolo sa Shoprite mwa Katutura, mi ukazwela pili kwa lintolo zeñwi za kampani. “Taba yakuli batu basiye kuleka mwa lintolo kitaba yenca mwa Namibia, kono kuna ni batu ba bañwi ba ba lila ni luna kaku nyatela pampili ya linonge mi ba bañwi habasalata kuleka mwa Shoprite, ba bañwi haba utwisisi taba ye.” Ba New Era nebafonezi kwa ofesi yetuna ya Shoprite pili kusikahatiswa kale mi nelubulelezwi kuli yomuñwi wa libizo la Pienaar ukafona, kono nasika eza cwalo. Nihane lufonile hañata-ñata. 2017-09-25Staff Report 2
