New Era Newspaper

New Era Epaper
Icon Collap
...
Home / Katjapetoora Otjinguvauva Orure Okuyarura Omwatje Motjihavero

Katjapetoora Otjinguvauva Orure Okuyarura Omwatje Motjihavero

2008-02-15  Staff Report 2

Katjapetoora Otjinguvauva Orure Okuyarura Omwatje Motjihavero
"I Kae Matundu-Tjiparuro EZORONGONDO Ombara otja tjiyararere nai katjapetoora onganda ya Nguvauva orure okuyarurapo omwatje ngumaso okuyaruka potjihavero, Ngaova Kandovazu, omusia womuyaruke Ombara Munjuku II Nguvauva watjere nao ombara tjiyeere muno pomaturiro wayo ngunda aihiyaya kOkahandja kuya kasuvisirwe. Kandovazu watjere marire ouningandu omuhoko tjiwapewa omwatje ingwi nauwaneke omitima wawo nondiro indji aiwuwaneke awuutu ovina vyawo koupe. ""Marire ouningandu nu matukambura kokutja mutu mamuyakura ingo okutjiwa kutja tjivyazu nokuhungirwa tjimavizu kondondo indjo tjimavikotoka kwene mutu ingo omwatje marire ye uriri kanaa parwisa nu kanaa peparusiwa. Mbavanga kutja mbituapo embondi kutja pekare nongamburiro apehahakara okukeyakeya okungi mepu indi."" Watjere uri pamwe novanatje vongundue mbasewa monganda nu kapena otjina mutu tjitjiso okuveura mena rokutja ovanatje mbakengeza rukuru novanatje ozombangane mbakara punongutirwa okutja tjimatara kapena otjina tjimwe tjitjiso okuyepa pendje naindi omuhoko ouni tjiuakondjo okuveyepisa. Orata Onene yOkomeva Rakurupa Murangi watjere ovandu vepangura posyo kavevanga okupangurwa.Ngumapangura eye kavanga okupangurwa uriri. Posyo katjiti okuhina ondjo tjigee indji ndjapangurire omukwao. Eye omwini nandaku matjavi tjiritjiri matjiwa kutja eye katjiti ondjo opezo okupangura. Watjere okupangura tjiri ovina ovizeu kavina ovipupu. Watjere ovahungire ovawa peke peke komurungu vahitire mo tjiviase vakondo otjiwa nu tjaa tjivangwa okumunikwa ayo otjizeu nandarire kutja kapena katjina kutjiukwa kutja otjo tjiri otjizeu. Murangi aa hungirire kohanganeno mohuhoko. ""Hapo omambo tjiri tuna oprufa wokutja otjizeu. Tuanununga, tuatara, tuetjimunu, tuahaveha, tuasasaneke, tuaroro otjizeu?"" wapurire natja hapo ovina imbi avihe omuhoko watjita poo katuyatjita? ""Otjiviase okumatuvanga okuyenda posyo matuutu okuhaka kutja matjiimburwa vi ovinote vyasanapi. Ngahino kahepero okuundja oruveze rovinote tjirweya turihonge ovinote imbyo tjazumba tuute okwiimbura?"" Omuhona wOvakarahari, Tidimalo Ditshabue, waitaverere kutja Orata Onene yOvambanderu, Kunomundu Katjirua, wemu kwiire kutja marire omuhanganise womihoko natja omambo ingo mbeezuva posyo otjina tjitjiri monganda otjizeu notjomuhoko. ""Novandu tjiveri omapanga woye avehe nu vahanika mokati kotjiwa kutja ngokarere une une ngomwese pehi, ootjina tjitjetuura otjoho uriri kakutja tjetuura kutja tuhanganise."" Watjere nambano veya okuye kuhanganisa mena rokutja Ombara yOvambanderu omundu tjjimouku momunu kutja waverisiwa iyohani momuhoko we. ""Mutu ootjina tjitje muhavera maende ma meketuese nai. Okutja opu memunu kutjavi kutja movanga poo konokuvanga muso okuhangana mundinondi mena rokutja Ovambanderu ohani mutu ondjemuzepa."" Ditshabue waraerere Ovambanderu kutja veyaruke monganda yao rukwao, vehaame, vehungire ovina vyonganda nu tjivatjiri nao mutu mavehangana. "" Tuazuva kutja ovandu va Tjauana vakaetua maveya mavee kuhanganisa Ovambanderu. Atuhara okupuratena noho kapena otjina tjimatjikaenda oviposa ombi mavikaenda komurungu."" Watjere mutu kapena otjina tjitjaungura oviposa uriri ombiripo nu nambano otjimamunu kutja Ombara yahanganisa omuhoko wOmbanderu .""Tjiwee kutja watu iyene okutja tjitjiripo yarukee momganda, muhaame pamwe mutu mu hangane nu mutjiwe kutja mwazepaisa omundu omunene. Katire omundu warwe wata iyene uriri,"" watjere nao ohunga nohanganeno momuhoko wOmbanderu napata amatja omuhoko tjiwevyuru Tjivye ngarire tjiwatuara kuwo.""Ovina vyo monganda ovizeu novimwatamwate tjimwayeta po ovandu varwe mamuyekuyera oviposa uriri. Okutja ovandu varwe maveya kombunda ngahino tjivye muuru mukonde komunda warwe."" "
2008-02-15  Staff Report 2

Tags: Khomas
Share on social media