Home / Katjirua wapewa ondjuwo otjomurwe omukuru Katjirua wapewa ondjuwo otjomurwe omukuru
Julia Kamarenga Epako-Omukururumendu wozombura o 75, Kunomundu Katjirua, omutize wotjihavero tjombara yOvambanderu mOuhonapare wOmbazu wOvambanderu, katjisupi ongwa ririre omuyakure wondjuwo otjomurwe omukuru muno mOrukondua rwa Maheke. Tjayandjere ondjuwo indji, Wilka Shilula, omuungure wotjiwana mo Ministeri yOvarwe Ovakuru, watjere ohoromende yauta omiano omingi vyo kutunduuza ozongaro zehupo nawina okutara kotuhepo twovarwe ovakuru mombwiko nawina monÿunino yotjiwa¿a. Umwe womiano imbi ozondjuwo nÿapwire. Komurungu Shalula watjere ihi otjiraisiro tjokutja omakuruhungi wotjirwa tjongutukiro ayehazengi. Pio Nganate, nguri omuyandja ndunge ko ngooneya ya Maheke, Festus Ueitele, tjahungiririrep[o ongooneya, watjere unonyune okurira ohatoi yomukambo warwe omunene wohoromende mokuurisa oruyano rwayo kovarwe ovakuru otjovandu mbapunguha oumutanda wawo, omawini, omasa navyarwe mongondjero yongutukiro. Posya Nganate warakizire ovarwe ovakuru okuzako kongaro yokuunguriza ozondjuwo inÿa okumunamo otjimariva mokuzeyazemisa. Katjirua munda imbowe watjere omeriyandjero we kotjirwa tjongutukiro katjayekarapo nokuhina etambo roserekaze ye. Ngunda aperi nao Katjirua waningirire kutja omurari ondjuwo indji mwiiri urukirwe kuye. Katjirua omurwe omukuru outjatatu okuhavara ondjuwo mEpako ombura indji. Posya ngunda o Ministeri yOvarwe Ovakuru iungura nomasa okuurisa oruyano rokuyandja ozondjuwo kovarwe ovakuru nanadrire mokutja omakondero wotjimariva otjiungurisiwa tjohoromende yetuna komakowondjisiro wotjiungura ihi komurungu. Ozombura ozondenga o 15 ovapwea vozondjuwo inda vebingirwa kutja veture muzo nokuzemurukisiwa kutja ozo ngunda owini wo ministeri munao otjizehasere okurandisiwa poo okuyazemisiwa. Owini imbwi tjiwananwa poo okutjindwa navi, o ministeri unousemba auhe okuukambura. • Julia Kamarenga omuhandjaure wondjivisiro wo Ministeri yOmahandjauriro wOndjivisiro Nounongo wOvihandjaure Vyondjivisiro nguungurira mEpako.
Your experience on this site will be improved by allowing cookies.
