Home / Katuyapaterwa pendje, otjihungiriro katjitjiritjo kaparukaze- Muinjangue Katuyapaterwa pendje, otjihungiriro katjitjiritjo kaparukaze- Muinjangue
OTJOMUISE Okupetwapo kutja Ovaherero nOvakwena “vapaterwa” pendje novihungiriro vyo TjiÞiro Otjindjandja omatwapero ngeso okuÞunwa tjinga ayeri posyo nayeri omapukise. Omuhaamise wOvihavero vyOkomiti yOvaherero nOvambanderu yOtjitiro Otjindjandja, Utjiua Muinjangue, matja. Muinjangue watjere nao motjihuro ohohngora tjehi rOvandoitji, o Berlina, Oritjaine ndazuko tjayakuriro ovanarupa mombongarero kehi yembo ehongonekwa: “Oupwe wOkuyarurapo Kombunda yOtjiÞiro Otjindjanja, ndjahaamene omayuva tjiyari 14-15 komweze imbwi. “Mena rokutja kapena pona Ovaherero nOvakwena puveri muna kutja vapaterwa pendje movihungiriro mbiripo pokati kohoromende ya Namibia, nongwao yo Repapirika yEhi rOvandoitji,” Muinjangue matja. Watja owo motjimbumba tjOtjiÞiro Otjindjandja tjitja hwiririka omeho watjo mondjira komurungu, vazuvaka otjikando notjikando kutja peso okukara otjihungiriro pokati kawo, otjo Vaherero nOvakwena nomarumbi novaÞena vawo momahi wozonganda, owo otjozondekurona ohomomena zaimba mbaihamisiwa iyo TjiÞiro Otjindjandja; nohoromende yehi rOvandoitji nu koruseinina nu pupehina kuheya kutja oyo onÿikona, ohoromende ya Namibia, tjinene nene otjoyapure pokati komutjite wondjito, ndjiri ohoromende yehi rOvandoitji otjo yarukire po moruveze rohoromende yohuuire yehi rOvandoitji, tjimaihungire kuna Ovaherero nOvakwena otjovandu mbakendwa otjozondekurona ohomonena yaimba mbaihamisiwa iyo TjiÞiro Otjindjandja. Muinjangue matja otjihungiriro ihi pokati kotupa atuyetatu itwi, Ovaherero nOvakwena munda umwe; nohoromende yehi rOvandoitji munda imbo warwe, naindji ya Namibia pokati kawo otjoyapure, ngamba kaye yarora oku karako. Munao Ovaherero nOvakwena otjivehina maavetja poo otjivehasere okuhewa kutja vapaterwa pendje. “Okupaterwa pendje natjike? Mena rokutja imbi mbikayenda po nai ovihungiriro porwe vya vevari, pokati kozohoromende ozongutuke mbari. NeÞe katuna onÿero nandarire okurira orupa muvyo,” Muinjangue matja. Otjiraisiro tjokutja mbiripo nai ovihungiriro pokati komahi yevari uriri otja kongaro yomaunguriro wazo kumwe, omambo wotjiuru tjehi tja Namibia, Onongo Hage Geingoba, ngatenene tjari kOmahi wa America Omakutasane. “Geingoba watja ohoromende wina maipaha omapwikiro wehi rOvandoitji, mumuna wina omapwikiro mozofarama zozo pomba zombepo, otjomwano wotjisiuta kOvaherero kotjiÞiro tjawo momautiro weserewondo oritja 20 o Namibia tjirari ehuurwa rehi rOvandoitji. Muinjangue matja okukonda ousupi katji¿a tjokutja owo maverikutu kovihungiriro poo komatiasaneno wo pokati kavevari poo kangamwa atjihe tjitjama na nao poo komiÞuka nonÿukwahere abihe pokati pokati kozohoromende azeemabri inÿa, ya Namibia noyehi rOvandoitji otja tjima viyenene okuiisanewa. “EÞe matutja uriri kutja ohoromende yehi rOvandoitji puyaa kapendukira mozomboÞu zouvi nozondjo zayo, namo kuriwovisa novi¿a vya kaseruseru, twarongera turi kozombaze tjimaivanga okuhungirira kOtjiÞiro Otjiandjandja kunaeÞe. Nwindji ohoromende yehi rOvandoitji maipetjiwa nawa kutja ozondekurona ohomonena yaimba mbaihamsiiwa iyo TjiÞiro Otjindjandja oo u¿e nu maivevazapi. Owo aruhe nu kanganmwa oruveze vekara kamwaha nova pupurukwe kotjihungiriro tja vetatu,” Muinjangue matja.
Your experience on this site will be improved by allowing cookies.
