• July 16th, 2019
Login / Register

Kavekotora wasewa notjikambi tjowitji amatjitjata ohunga nOtjitiro Otjindjandja



OTJOMUISE- Okanepo ko Rally for Democracy and Debvelopment (RDP) mombongarero yOtjiwana, Mike Kavekotora, wasewa nomapura we komurungu ohunga nOtjiÞiro Otjindjandja motjinyo tjinga ou¿epo aa umuwire momambo eye tjaakondjisa okukongorera omaziriro ngapewa iyo Ministera  yOngaro Pokati Komahi nOmaunguriro Wawo Kumwe, Netumbo Nandi-Ndaitwah nganda ondjuwo aiha¿ika.

Kvaekotoka wapura kokutja: 1) Hapo otjihungiriro tjotjitiro otjindjandja nai tjakayenda pupetatpi nu tjakara nongee ndoneno?  2. Hapo tjii indjondondo otjihungiriro ihi tjiyavaza nai maiyenene otjimariva nai atjihe tjitjangurisiwa  motjihungiriro ihi? 3. Ondjuwo yOzoveta yEhi rOvandoitji hapo inondjiviro notjihungiriro tjitjikayenda nai pokati kohoromende ya Namibia noyehi rOvandoitji? 4. Hapo oumune woye wasanapi ohunga nomukambo wOndjuwo yOzoveta yehi rOvandoijti okunakaura ombepo yokuningira ondjesiro nu mayetunu vi kotjihungiriro? 5. Ohoromende hapo itarakovi keningira rovanane tjiva voviwa¿a mbyaihamisiwa mbemuna kokutja vapaterwa pendje notjihungiro?

Otjihungiriro tjitjiripo nai pokati kohoromende ya Namibia noyehi rOvandoitji motjiÞiro otjindjandja tjiÞanÿera kovina vitatu uriri mbiri Otjitiro Otjindjandja, Omaningiruiro wOndjesiro nOtjisuta, Netumbo Nandi-Ndaitwah matja. Nandi-Ndaitwah tjiyari yane ku Kozonjanga otjaazira omapura wa Kavekotora. Matja otjimbumba tjohoromende tjitjivatera omuhindwa wapeke watjo, Omukuramenepo Zedekia Ngavirue, tjakambura omuhunga imbwi wOtjiÞiro Otjindjandja, Omaningiriro wOndjesiro nOtjisuta nu imbi oozongunÿe otjihungiriro kutjikayendera. Kokutja pakara nonÿoneno ndjiÞapi Nandi-Ndaitwah matja pekara otjihungiriro ngamba tjitjikawondja komurungu. “Katuyahaka kokutja optjihungiriro tjateka. Munao mokutjiwa omwano nongaro yovihungiriro notjovandu mbutwavaza ondondondjo, omundu moso okupezuva kutja twakayenda komurungu menarokutja turi pondondo outuhungira kumwe. Moso kutjiwa wina kutja momautiro, Ovandoijtji nandarire kaavevanga okuzuva embondi OtjiÞiro Otjindjandja; nambano pekamburwa kokutja ihi tjitjatjitwa oruveze indo matjiyenene okuzuvakwa OtjiÞiro Otjindjandja nandarire kokutja mouye OtjiÞiro Otjindjandja tjeekutjiukwa kombunda. Posia tuhungira kumwe nowo veungurisa embondo,” Nandi-Ndaitwah matja. 

Matja wina kokuningira ondjesiro owo vaitavera kokutja “tjipatjitwa nao omaningiriro wondjesiro mayetjitwa posia ngunda tjiri momatiasaneno”. Orupa rwarwe, Nandi-Ndaitwah, matja otjisuta amapambarere kokutja ngunda veri mokutiasanana nOvandoijtji.  Kokutja omakawondjero wokomurungu ngakarapo mayeyenenisa ozombura nÿaungurisiwa, otjotjiri twakwizika otjimariva mondjuwo ohuzendji. “Mozemburuka kutja ami tjimbaraisa ongwizikiro yotjimariva  ombura ndjazuko, mbaraisa kourike kutja otjimariva tjitjiÞapi tjimatjiungurisiwa kotji¿a ihi. Mesokukuraera kutja kapenotji¿a otjiwa ombiriha.

Tjituatanda okuhungira kunOvandoitji aatutjiwa kutja matuungurisa otjimariva. Matumunu kutja otjimariva tjitwaungurisa ngamba, otjo wina tjitjiri mongwizikiro yotjimariva tjitwapewa iyondjuwo yozoveta, yari ohepero okutjiungurisa menarokutja matukambura kutja tuna otjina tjimatukutu ovakwatera vetu va Namibia tjimatjivetjatere,” Nandi-Ndaitwah matja. 
Kutja ondjuwo yozoveta yehi rOvandoitji otjihungiriro ihi mayitjitjiwa o ministera maitja tjiinongahukiro natjo okoo kutja ondjuwo yozoveta ya Namibia maitjitjiwa menarokutja eye uhakayena nayo nuwina unongamburiro kutja omukwao o Ministera yOvitjitwa Vyopendje yehi rOvandoitji tjingetjo mapeya unomahakayeneno nondjuwo yozoveta yawo. “Posia epura maririyata momambo menarokutja tjimopura kutja o Left Party yanakaurire ombepo. Munao ndoovazu kavenondjiviro novihungiriro atjavenakauravi Ombepo yOkuningira Ondjesiro?” 

Kotjina tjaimba mberi pendje novihungiriro Nandi-Ndaitwah matja ohoromende yatia okuhungira kunOvandoitji okuza keziririo ndaza kehi rOvandoijtii nu operesidenda ndjiripo nai yarora omirari avihe kutja tjinene nene oviwana mbyaihamisiwa vyatjivisiwa nu viri metemba. “Mokuvatera otjiungura tjayo ohoromende komurungu yasembamisa okomiti yovanandjiviro. Mokwiizikamisa ou¿epo wotjiwa¿a wa¿angwa, tjinene okuza koviwa¿a mbyaihamisiwa. Kapenaumwe wapaterwa pendje, owo avehe va¿angwa. Penaimbo mbaurika ovandu mbenorupa,” Nandi-Ndaitwah natjivisa kutja omivero kaviyapatwa ngunda nowo venouyara okuyekurikuta kotjimbumba. “Mena rokutja kwete otjohoromende matuvanga tjinene okuwongata mena rokutja epu indi orotjiwa¿a nu matujtiwa kutja munou¿epo tjiva woviwa¿a mbyaihamisiwa menaroruveze oruvezendo puvavazewa moruveze rOtjitiro Otjindjandja. Munao otjipehina ngwapaterwa pendje nowo maveyakurwa okuyekurikuta kOkomiti yOvanadnjiviro,” Nandi-Ndaitwah matja. 

Kavekotora wavangere okukara nomapura omakongorere posia aumwa iyounepo  oukwao warwe mondjuwo mbwaa umuwirire membo nganda  ondjuwo aiha ahaihanika aehiya kongorera omaziririro ngaperwe. “Nungwaro motja hikambure ousupi; hapo epura mekamburavi ousipi, huu? Ihi otjiraisiro otjikahu kutja mokarere,” Kavekotora waraere omuhaamise wondjuwo wokehi Loide Kasingo ngunda aehiyahana omahaameno. 
 


Kae Matundu-Tjiparuro
2019-05-03 10:59:34 2 months ago

Be the first to post a comment...