Easy access at the tip of your fingers, subscribe to our daily ePaper version of our New Era Newspaper.
Home / Keharanjo Ana Lituramo Yipo Agwane Epundi Lyouhompa
Keharanjo Ana Lituramo Yipo Agwane Epundi Lyouhompa
2008-07-03Staff Report 2 MoTalismanus Ekondjero lyokambunga koruha roVambanderu, asi ngano vature Keharanjo II asi apinganene mevango lyanakufa guhwe kuna kuza komeho. Elikwamo lyokukondjera epundi kalitamekere momapeu aga gana tunduko omu mugara ogu Keharanjo kava mulikidire kombunga zoVambanderu. Keharanjo II Munwa nakufa hompa Munyuku II ntani hena mumbyagara gogu vana tumbura woruha rwaNguvauva II, Kilus Nguvauva ogu ana kara hena asi ministeragona gonomfi nomarunane. Kilus nage kwamutambura kutunda tupu apa vezimo lyawo vamutumbwire asi yige nagusa evango eli. Age kwamutumbwire paapa vapongere membo lyanakufa Munyuku II, momukunda Ezorangondo asi ngahompa goVambanderu. Keharanjo ogu gakere nage pepongo lina gatamwire asi mukurwendi aguse tupu evango olyo kukwama eraka eli vavasigira guhyawo patjangwa vatjenge momazuva 11 September 2001. Keharanjo kwatente asi age kapi ana hara kulirwanesa neyivatanta ona kufa guhwe. Ano ngesi Keharanjo II ana yoromoka hena asi nage kuna hara epundi lyo uhompa. Nokutanta asi nsene vantu yimo vana hara name nawa tupu. Kutunda tupu moutano wapita vantu ava vana hara Keharanyo, kuna kuponga-ponga valikunde nokutambura Kandindate gwawo. Ano awo vana diva asi vezimo lyoNguvauva vahoroworo nare Kilus Nguvauva, ntani vamwe nawo vatambura asi Kilus kuvhura akare hompa. Vegendeso rudi roVambanderu vatambura nawo Kilus. Epongo lyo mwaPembagona Kwatokora Kilus ano ava vamwe asi mpito kozili zokuvhura kutumbura ogu vana hara. Ano ngesi vamwe kuna hara Keharanjo II. Nage mwene ana tambura, asi tazi akarumbasane namukurwendi. Age kakatulire hena sigongi mo Okombepera momukunda horowero Aminius. Sikondovike esi tuna yuka Keharanjo tava kamulikida kovambanderu vakara mo Opuwo momukunda gwa Kunene. Keharanjo II ogu kagendesereko erenga lyekurona Erastus Kahuure ntani vamwe ava vana pilire kuhara Kilus. Awo kava kavatambwire verembe lyo sinauhako, nomudwaro govaherero gosiuhako. Awo kara mutambwire hena nononsumo dopa sikiliste. Pepongonye eli lyopo Ezorongondo eli lyakatumbwire mukurwendi age katente asi kapi gadivire asi tava katumbura hompa. Age poopo ntani kukamona asi oguhwe kwasiga mbilive asi Kilus vamupe evango olyo. Makura ose yiyo twatere yoyi vatjanga. Natuvanye kapi twakere nomatamayi. Nampili papa twakere metamu kapi vatumbwiremo asi onakufa otate vasiga mbapira zangoso. Age kahundilire vaHerero vavagusirepo kweyi varugana vezimo lyouhompa. Kapi yina kumoneka nare asi ngano apure egusiropo morwa mapuko simpe taga wiza. Age kahundilire mpora ziwize movaherero. Mokulireta mwene poruzera kuna kureta udigu. Vambanderu nare vana gusa noudigu ou. Awo vazire dogoro kompangura zonene mvhura ezi. Yitundwamo simpe kapi vayigwana. Noforumu kava digaverere kovantu/Vambanderu vazwidemo nsene vana hara asi Keharanjo a kare kandindate mouhompa woVambanderu. 2008-07-03Staff Report 2
