Easy access at the tip of your fingers, subscribe to our daily ePaper version of our New Era Newspaper.
Home / Kulekiswa kwa libyana za Mukupi kuyemisizwe
Kulekiswa kwa libyana za Mukupi kuyemisizwe
2016-08-29Staff Report 2 Windhoek Bank Windhoek ikonile kuteeleza kwa kupo ya lubasi lwanyandi Mukupi ni kushimbulula kulekiswa nandaleza kwamiyaho yeminata-nata ya nyandi mukupi kuli kulifwe likoloti zanakolota munna wa lipisinisi, yanapila mwa tolopo yahabo ya Katima Mulilo. Kulekiswa kwa miyaho yemimwi ya Mukupi kumuipapati yanata punda teko yepahami yenelelezwi Labutanu biki yefelile haisikaezahala, kuzwa Postrick Kasungo, yapepwa ni Mukupi mwalimba ili sibuwabuwi wa bana ba Mukupi, ya nasindeketilwe ki Ivy Mukupi, alimumwi kwa bana ba nyandi Mukupi nebabile ni ngambolo ni Bank Windhoek Labutanu. Kukaupa konekubile teni ki Kasungo ni Ivy mwahola yamafelelezo kuyemisize litekisano kwanyangela kuzwelapili ni lipatisiso zenata kuzwelela kuba lipisinisi banebabonahalize kuba ni takazo yetuna yakuitenga mwa kuleka sihulu sibaka muyaho wa Lyambai ofumaneha mwasibaka sa lipisinisi za Katima Mulilo. Kasungo uize, mubeleki mwa kalulo ya mulao kwa Bank Windhoek uize, panka itashimbululela litekisano kwapata kumufa sibaka ni balubasi kufumana pene yakulifa sikoloti. “Lufumani kuli panka isikeyalekisa miyaho sina haili fona febaitingile bana banyandi Mukupi ba supile kalimumwi kazabupilo bwabona. Lusepisize panka kuli lutabe lufumani pene kakulekisa ulimumwi kwa miyaho oneusika swaliwa mi balutelelize ni kutalusa kuli batalilimanisa litekisano kulufa nako yakufumana pene yetokwahala,”kwa talusa Kasungo. Hape ukonile kutungulula kuli, taba yemwi yeneikambotilwe kwa mukopano wa Labutanu ni bakalulo ya mulao kwa Bank Windhoek neli yakutokwa lingambolo sakata mwahali a Ivy Mukupi ni Orben Sibeya, muyemeli wa mulao kuzamaisa zatutu ya nyandi Mukupi, nihaike nasakoni kutalusa kakutala. Kasungo sina kababamwi balubasi ubile nitabo ya kuimuluha kakuyemiswa kwa mulelo wa kulekisa libyana zanyandi Mukupi, mi ufitisize buitumelo kwa Bank Windhoek kakuba ni mukekechima wa kukona kuteeleza. Felix Mukupi itimezi mwa Mbuwana 2012 hasina keto kuyaswanela kuyola tutu yahae. Lifu lahae neliputahanezi undi wa nyangela yesikabonwa kale mwa Zambezi, kafo nekubile ni makwambuyu ba muuso ni balili bamyanda-nda. Na bubana kasishemo sahae mane ni kuyahela mandu basupali ni babashebile. 2016-08-29Staff Report 2
