Home / Kutibana kwamushitu kutibela kupima mubu – Sampofu Kutibana kwamushitu kutibela kupima mubu – Sampofu
Albertina Nakale Windhoek-Mueteleli wa sikiliti sa Zambezi Lawrence Sampofu u ize, nihaike kuli sikiliti siabezwi kakuba ni mushitu wa limela, kanako yeswana kukwalana kwanaheni kubisa musebezi butata bwakusa pima hande mubu, mayemo atisa musebezi kusafita kwamafelelezo. Kulemuhilwe kuli, sichaba sitekezi kuli babeleki ba Liluko Lamubu babasupezange balimi likonkwani za mibu yabona nako ya kupima mubu. Taba yemwi kiya palo yefokola yealabelanga kwalipizo zakupima mubu kuba taba yazemwi zetisa silembe kwakufeza kupima mibu. “Kikamukwa wo halusatalimani nilikani zalitaba zamilulwani yamibu ya likuta zeshutanashutana” kwatalusa Sampofu. Sampofu uekelize kutalusa kuli, kusaba ni tatululo kwa kani yamilulwani ya likhuta zasizo zechinchana-chinchana ni milulwani ya mubu ya minzi mwasikiliti litisa bunya kwamusebezi wa kupima ni kunolisa liswanelo zamubu ni lizwelopili mwasilikiti. Zeonihalilicwalo, katengo Kazambezi kazamubu wa sizo, kakonile kunolisa liswanelo zamibu ze 1,701 kubeya mibu ya lipisinisi yefita falishumi kaulimumu mwa 2016. Sampofu uize, manolo amubu ahasanyizwe mwalikhuta zasizo mwasikiliti kamukana kafo zona likhuta litatambeka manolo kwabatu babaona. Kakuekeza, Sampofu utalusize kuli, katengo kamubu kasikiliti sa Zambezi kaswalisano ni likhuta kakonile kubatisisa ni kufumana tatululo kwalikani zalitaba zamubu zesupile. Mungendenge wa kunolisa liswanelo zamubu ulela kufa lisebelezo zelikanelelezi mwalibaka zasizo mwa Namibia. Kuamana ni makwakwa amubu asikalumelelwa Sampofu wize, nekukupilwe taelo kuzwelela kwakhuta yepahami yanaha, kacwalo makwakwa ao atabe alutuluzwi kakuya kamulao wa mubu wa sizo wa silimo sa 2002. Na ekelize kutalusa kuli, kakuya kamulelo wa Harambe Prosperity Plan, Likolo Lamubu litabe libile nimukopano wa bubeli mwakweli ya Muyana kamulelo wakufumana tatululo kwabutata bwamubu mwanaha kabupala. Kacwalo uelelize bayahi basikiliti sa Zambezi ni Namibia kabupala kuba nipilutelele kamo mubuso upatehile kuongaonga mukopano wa bubeli kuikambota ni kufumana tatululo ni kufa mutala kamo simbule samubu siswanela kusebelisezwa ni teni. Azwelapili kutalusa kuli, Liluko Lamubu lingile muhato wa kushimbululela lisebelezo ni babeleki balona kwakatengo kasikiliti sa Zambezi. Nalumbile litutonyana zenefilwe kuamana ni misebezi ya Liluko Lamubu yenetambekilwe kwa limembala zakatengo kakamaiso ya katengo kasikiliti, munoli yomuhulu wa sikiliti sa Zambezi, Kavango yekwaupa, ni Kavango ye kwawiko zeneliezahaezi mwa Katima Mulilo kuzwa kala 1 kuisa 2 Nulule 2016. Kutambeka lisebelezo simubuso neliezahezi mwa Windhoek kweli ya Kandao hanena ni mazazi a lishumi.
Your experience on this site will be improved by allowing cookies.
