New Era Newspaper

New Era Epaper
Icon Collap
...
Home / Kututisa ba Kongola kulikana bolule ba 16

Kututisa ba Kongola kulikana bolule ba 16

2020-08-10  John Muyamba

Kututisa ba Kongola kulikana bolule ba 16

RUNDU – Katengo ka sikiliti sa Zambezi kakalile kulifa masheleñi alikana bolule balishumi kabasilezi, hala mubu one uzibahalizwe kuba tolopo kwa Kongola, mi uketilwe kuli uhuliswe. “Katengo ka sikiliti kafwile musebezi waku tisa zwelopili mwa sikiliti, kaku tahisa litolopo. Kacwalo, zibahazo yakuli Kongola seli tolopo, itoloka kuli lika zetuna lina ni kuezahala, kacwalo ki kwabutokwa kuli batu batuta kuli zwelopili itahe,” nekubulezi mubusisi wa sikiliti sa Zambezi Lawrence Sampofu, kanako yakufa manzwi amayemo asikiliti cwalecwale.

“Musebezi ukalile kwatolopo yene zibahalizwe ya Kongola,” nabulezi. Sampofu ubulela kuli Lusese ni Sangwali nizona liswanela kuhuliswa, mi katengo ka sikiliti kaketile mutusi kukala milelo yakuhulisa libaka zeo. Libaka zeñwi zena ni kuhuliswa ki Sibbinda ni Chinchimane. “Kulela ni kutalima mayemo alilalanda zepeli kuli lihuliswe kupetahalile. Katengo kasikiliti kanako yacwale kaketile mutusi kuli aeze patisiso mwalibaka zeo. Batusi bao bakalile musebezi obaketezwi,” naekelize. Mubusisi nabulezi hape kuli kuisa misima ye hoha zeya mwalimbuzi kumwa nzila. 
“Ofesi yebona zazwelopili mwalibaka za matakanyani ifumaneha kwa Masokotwani. Musebezituna wa ofesi yeo ki kuba mafitelo, zwelopili ni kusebeliswa kwa mikopano. Kalulo yapili ika kala, kuli muyaho wamakopanelo ufezwe ni mikwakwa ni libaka zakuyemiseza limotikala,” nekubulezi Sampofu. Mapurojekiti amañwi asweli kutalelezwa ki kuyahiwa kwa ofesi ya khuta ye nyinyani ya mulao mwa Katima Mulilo, hamoho cwalo ni kuyahiwa kwaofesi ya Liluko la Mañusa ni Zwelopili ya Kuambola, muyaho wa tuto kwa Ngoma, ni kuyaha miyaho ya maino akwasikolo kwa Luhonono ni Ndoro.


2020-08-10  John Muyamba

Tags: Khomas
Share on social media