Kabinete kazigeve epulisiro asi kuvofera ntoko yahepa tupu kukara ngwendi mwanare kapisi yeyi yokuvhumbika nomabure eyi vahepa kuyihageka ngesi. Ministera goukanguki Dr. Kalumbi Shangula kageve mbudi ezi moutano apa kageve efatururo kuhamena ehoreko lyovana kufa vetu vana kufa morwa kambumburu koCorona.
Ehoroke lyangesi kapi nalikakara hena asi pwato magwanekero nye vahepa kupurako vekoro lyogo ana tusingi, nye yahepa kukara asi mosiruwo sosisupi. Twahakarani tupu nowoma, morwa vantu vetu kunahara turugane ngso. Morwa nokonda nye odo, Ministeli zoukanguki noundjewandjewa, vanatulisapo nye mbapira ezi zina karanomalikwamo gana kuliza noveta zetu mokuza asi tukahoroke vetu ava vana kutusiga morwa kambumburu nye aka koCovid-19.’’ Yimo ana kuyinkondopeka ngoso. Shangula katente asi mokumona nye simpu kuna kara kupitira moveta ozo zina karapo ngesi zoCovid-19, ntani mokukeverera simpu simpe kukwama hena veta zangoso.
Ose twahepa kudiva noveta edi dina karapo ngesi ntani twahepa kudiva asi vantu vetu ava vana kutusiga ehoreko lyahepa kukara sinka sepangero, kabinete simpe kasitente asi ehoroke lyovantu vetu lyahepa kukakara moomu zina kara veta ezi tuna kukwama posiruwo esi unene vantu vetu vana kutusiga morwa uvera ou una mwauuka mouzuni. Shangula katente asi mukaro nye ogu pampo ntani pasiukilisite kuna kukaupulisira kukwama veta zina karapo. Age simpe kafatwilire asi mukaro gokuhoroka vantu ava gwahepa simpe kugusikisamo posivaro oso vana turapo kwato kupitaka. Simpu vahepa kusihoreka popepi nopo ana dogorokere.
Morwa mukaro nye gwangoso kusimba simpu kapi vana yipulisire. Awo kuna kara asi ministeli kapi zina kukapulisira ava vana kara moudigu simpe vakakare nawo hena moudigu wounene.’’ Shangula katente asi vahakuli navarugana moomu vavhulira omu navarugana asi eyi vana kurugana yahareta hena udigu ndi mapiyagano. Morwa siruwo nye esi tuna kara ngesi muntu nkenye ana kusiga vahepa kumukona kona vatare asi age kouvera musinke ou una muli.
Morwa eyi vana kuyiruganena oyo yipo vadive asi simpu sangoso kusirugana ngapi, yipo asi vantu owo vana kuhamenamo vahagwana kambumburu oko morwa kuna kukwata mufe gwawo. Yipo nye asi vahepa kugwana makonakono yipo vadivilise nawa nawa. Eyi kuna kuyiruganena kupitira komagana aga tuna kugwana gana kutunda kovahaku wovanene. Age kapi ana kupulisira asi varugurure makonakono aga mosiruwo nasinye.
Kukwama nye eyi vana gwana, veta zouzuni paukanguki, zina kutunda kombunga zoWorld Health Organisation(WHO) kapi zina kupulisira kutaura, nye kuna pulisire tupu kukona kona omu vana kutara asi vagwana nawa nawa asi muntu ogu yinke yina mudipaga.
-anakale@nepc.com.na