• September 20th, 2018
Login / Register

Lilotoli uhanelwa kupikela tolongo kwande


Aron Mushaukwa Katima Mulilo-Muuna walilimo zemashumi amalalu kazetalu (33) Chilinda Lilotoli, yana kwaeza motikala yamufuta wa Toyota Noah, yanombolo N5229KM, ili yene pindumukile mwamukwakwa wa Linyanti-Sangwali, mabapa nimunzi wa Kikiya mwasilalanda sa Sibbinda Lamubulo, ili mwasikiliti sa Zambezi, mo nekushwile batu baketalizoho, nahanezwi kupikela tolongo kwande hanabonahalile fapila muatuli yomunyinyani Labune. Piho yamapokola italusa kuli Lilotoli nakwaeza kuzwa Linyanti kuya Katima Mulilo inza longile batu balishumi mwamotikala yelumelezwi kulonga batu basupile. Mapokola babulela kuli Lilotoli nakwaelize niliwili lelipunyehile mihato ye myanda yesupile nimashumi alobañwi (790), pili asikalatelwa kikamaiso yamotikala, taba yeo netisize kuli motikala ipindumuke nikubulaya batu baketalizoho. Babalalu nebatimezi onafo feela mi babañwi bababeli nebatimelezi mwanzila kuya kwasipatela kwa Katima Mulilo. Mapokola habayofita fasibaka fonekuezahalezi kozi yafamukwakwa bayolumela kuli motikala nelongile batu balobapeli. Kono manzibwana alizazi lale batolemuha kuli motikala nelongile batu balishumi. Bababeli bane basikaholofala hahulu nebaikisize kwasipatela pili mapokola basikatofita kale basibaka sakozi. Muzeko noisizwe la 3 Kandao kulumelela lipatisiso kuli lizwelepili, nikuli Lilotoli afumane muyemeli. Vincent Nzaca neli yena muatuli yomunyinyani, haneli muyemeli wamuuso neli Astrid Hewicke.
2018-01-17 09:39:29 8 months ago
Share on social media

Be the first to post a comment...